Actualidade

Un total de 1724 resultado(s) para Software

O Proxecto Abalar emprega a solución libre EPOPTES para a xestión de aulas

Logotipo Proxecto AbalarSeguindo a traza doutras administracións públicas, o Proxecto Abalar emprega dende o pasado curso académico a solución de xestión remota de equipos EPOPTES para as aulas dos centros públicos pertencentes á CCeOU e que se encontran adscritos ao mesmo Proxecto Abalar, promovido pola Axencia para a Modernización Tecnolóxica de Galicia e a Consellería de Cultura, Educación e Ordenación Universitaria.

Publicada a versión 3.20.14 de KOHA ILS

Logotipo de KOHA ILS

A comunidade de KOHA publicou recentemente a versión 3.20.14 da solución libre Koha ILS. Trátase dunha actualización centrada en melloras de seguridade. Se ben non se trata dunha actualización crítica, a comunidade KOHA recomenda a actualización dos sistemas para protección con respecto de vulnerabilidades web do tipo XSS (execución de código malicioso mediante carga de contido por parte dun terceiro na web cargada polo usuario).

KOHA é un sistema integrado de xestión de bibliotecas (SIXB ou ILS, integrated library system) distribuído con licenza GPL2, de feito foi o primeiro SIXG libre. O seu desenvolvemento está promovido por bibliotecas de diversos tipos e tamaños, voluntarios, e empresas de todo o mundo.  

Liberado Wireshark 2.2.0

A mediados da semana pasada fíxose o anuncio da liberación de Wireshark 2.2.0. Wireshark é un dos produtos de análise de protocolos e redes máis afamados do mundo profesional. Wireshark é unha ferramenta libre en contraposición a moitos dos seus competidores.

Wireshark é capaz de analizar redes en tempo real e extraer a información das trazas dos paquetes que captura na rede. Unha ferramenta moi útil no sector profesional das TIC para o control e supervisión das redes.

GNOME manterá o nivel 100% de tradución ao galego na versión 3.22

Logotipo GNOME en galego

O equipo de tradución a Galego para o proxecto GNOME manterá o nivel 100% de traducións para a seguinte versión, a 3.22 aínda en desenvolvemento. Deste modo o equipo galego de tradución de GNOME seguirá a manter o nivel acadado na anterior release do célebre contorno de escritorio.

O estado actual da tradución pódese seguir na páxina de estado do equipo de internacionalización para o proxecto GNOME. Segundo amosa o resumo do equipo galego de tradución de GNOME séguense os esforzos por continuares co gran traballo de tradución, xa que manteñen o nivel de tradución da interface no 100% ao galego incluíndo os novos aplicativos do contorno de escritorio, todos cumprindo cos últimos acordos de terminoloxía publicados polo Proxecto Trasno.

O equipo de tradución, coordinado por Fran Dieguez, está formado por un total de nove membros con diferentes niveis de dedicación. Lémbrase que o equipo de tradución sempre está aberto á axuda e participación dos interesados en botar unha man e colaborar na revisión e actualización da documentación base dos aplicativos. Neste senso, o equipo galego de tradución de GNOME conta cunha serie de manuais de introdución aos procedementos de tradución de GNOME para orientar aos novos colaboradores.

Publicada a nova versión distribuible de Inside

Logotipo CTT

InSide é un sistema para a xestión de documentos e expedientes electrónicos que cumpre os requisitos para que ambos poidan almacenarse e obterse segundo o Esquema Nacional de Interoperabilidade. Supón a xestión documental integramente electrónica dos documentos na xestión viva do expediente, como paso previo ao arquivado definitivo da documentación nun formato interoperable e duradeiro.

Mozilla libera como software libre unha ferramenta para verificar a seguridade da web

Logotipo da Mozilla FoundationMozilla acaba de liberar unha nova ferramenta libre que permite de forma sinxela comprobar e verificar a seguridade dos sitios web. A ferramenta foi bautizada co nome de Observatory. Este novo produto usa unha sinxela gradación dos sistemas para devolver un informe acerca das áreas de seguridade que se poden mellorar.

Orixinalmente desenvolvido como unha ferramenta de probas internas para Mozilla, Mozilla Observatory xa se empregou para verificar a seguridade de máis dun millón de websites. Como curiosidade, Mozilla destaca que preto dun 91% destes sitios comprobados aínda seguen carecendo das últimas e máis modernas vantaxes de seguridade.

O código de Observatory pódese atopar en GitHub baixo os termos da Mozilla Public License v2.0. Unha versión online da mesma tamén está dispoñible para o seu uso nesta ligazón.

Vídeo experiencia sobre a implantación de OwnCloud nunha empresa galega

Experiencias TICDentro da sección de Experiencias TIC do Centro Demostrador TIC (CDTIC), no que se están a mostrar en forma de vídeos diferentes experiencias de transformación dixital en empresas pertencentes a diversos sectores non relacionados directamente coas tecnoloxías da información e das comunicacións, hoxe queremos destacar o caso de Gladex Placotec, por apostar pola implantación dunha tecnoloxía de software libre, OwnCloud.

Sobre a solución OwnCloud temos xa falado anteriormente en Mancomún e mesmo elaboramos un artigo completo sobre esta solución, no que entrevistamos a varias empresas galegas relacionadas con esta solución dende diferentes puntos de vista, o de empresa tecnolóxica que fornece servizos sobre OwnCloud e o de empresa que implantan a solución como usuaria.

No caso que destacamos hoxe, Gadiex Placotec S.L., trátase dunha empresa de Vigo que se dedica ao illamento e tabiquería seca de distribución, que implantou OwnCloud como ferramenta para mellorar a coordinación do seu persoal e delegacións.

Manual de deseño con LibreOffice con licenza Creative Commons

Desinning with LibreOffice non é a usual guía de aprendizaxe que adoitamos atopar e que serve para aprender a traballar coa típica ferramenta ofimática. Lonxe deste arquetipo de manual, este libro opta por unha aproximación máis fresca facendo fincapé na importancia do uso de estilos e padróns de documentos. Este enfoque de edición, algo máis custoso de primeiras, permite concentrarse no contido do documento en troques do formato, permitindo facer moito máis sinxelos os cambios visuais e formato a posteriori.

O libro está liberado con licenza Creative Commons Attribution-Share Alike. Baixo esta licenza, o posuidor dunha copia pode distribuíla ou copiala ou mesmo editala en tanto en canto se manteña a mención do autor da obra e os cambios e non se modifique as condicións da licenza.

A AMTEGA libera unha nova versión de XEA, o software de xestión das aulas CeMIT

Captura de XEAA Axencia para a Modernización tecnolóxica de Galicia (AMTEGA) vén de publicar como software libre unha nova versión de XEA no Repositorio de Software Libre, na forxa de Mancomún. Esta é a cuarta versión que se publica desta aplicación de xestión das aulas CeMIT, dende que fora inicialmente liberada como software libre a finais do ano 2014.

Esta nova versión, que está posta xa en produción na rede CeMIT, corrixe erros que se foron detectando así como incorpora pequenas melloras de usabilidade para as usuarias e usuarios, así como para as e os axentes TIC, quenes se encarga da xestión das aulas.

Deste xeito a AMTEGA mantén a súa aposta por facilitar as posibilidades de reutilización desta aplicación por calquera outra iniciativa similar, poñendo a disposición as diferentes versións con melloras derivadas do uso diario e das peticións das usuarias e usuarios da rede.

Xa está dispoñible a versión 5.2 de LibreOffice con varias novidades

Logo LibreOfficeA nova versión da suite de ofimática de software libre de referencia actualízase con varias novidades, estando dispoñible xa para a súa descarga nos sistemas operativos máis habituais.

Das que máis chaman a atención están o soporte para clasificación de documentos seguindo o estándar TSCP (Transglobal Secure Collaboration Program) que permite clasificar os documentos segundo a súa confidencialidade e establecer quen pode ter acceso a eles segundo os criterios marcados dentro dunha organización. E o soporte para varias sinaturas dixitais nun documento, permitindo a importación e exportación das mesmas en formato OOXML.

Pax. 20 de 173« Primeiro...10...1819202122...304050...Último »

Pin It on Pinterest