Actualidade

Un total de 1805 resultado(s) para Software

Libros sobre DNS e LDAP con licenza aberta

“DNS for Rocket Scientists” é un libro colaborativo, de licenza aberta, promovido por Zytrax.com, sobre a configuración DNS (sobre todo BIND 9.x) dun sistema Linux e BSD. Orientado ao administrador que comenza, é a base do libro “Pro DNS and BIND“. Do mesmo xeito, o libro “LDAP for Rocket Scientists” trata de ofrecer información intelixible sobre este tema, para levar a cabo solucións estratéxicas (e non tácticas) con LDAP.

Anuncio dun teléfono móbil aberto baseado en Linux.

Trolltech, compañía desenvolvedora de ferramentas e aplicacións Linux para teléfonos e outros dispositivos móbiles presentará un móbil aberto baseado en Linux en setembro, co nome de “Greenphone”.

O Greenphone é un móbil GSM/GPRS que permite aos usuarios modificar o firmware do teléfono, baseado en Linux, a través dun porto mini-USB. O teléfono non estará dispoñible para mercalo só, senón como parte dun kit de desenvolvemento. O kit ofrecerase baixo licenzas open source a desenvolvedores, institucións educativas, vendedores de software e a deseñadores e creadores de teléfonos.

Dispoñible a primeira versión de Freespire

Linspire segue o camiño marcado no seu día por [[Red Hat]] con Fedora e seguido con SuSE e a súa OpenSuSE: crear unha versión gratuita da súa distribución que poida ser descargada desde Internet e baseada en software 100% aberto.

Nace así Freespire, que é unha das distribucións [[GNU/Linux]] máis orientadas ao usuario final, e para que con ela poida substituir ao Windows, xa que reproduce ficheiros de Windows Media, [[MP3]] ou QuickTime entre outros, e gráficamente ten un gran parecido co sistema operativo de Microsoft…

Intel lanza drivers open source para a familia de chipsets gráficos i965

O grupo adicado a gráficos do centro de tecnoloxías open source de [[Intel]] vén de anunciar a dispoñibilidade de drivers libres para o controlador gráfico da familia Intel® 965 Express. Estes drivers inclúen soporte para gráficos 2D e 3D. 

A páxina web do proxecto é: http://IntelLinuxGraphics.org .

Pax. 169 de 181« Primeiro...102030...167168169170171...180...Último »

Pin It on Pinterest