Actualidade

Un total de 3264 resultado(s) para Outras novas

O CDTIC ofrece hoxe o seminario “Coñece as novidades de Drupal 8”

Logotipo do CDTICO CDITIC ofrece hoxe a partir das 16:00 este seminario, de carácter práctico, no que os asistentes poderán coñecer as características que fan de Drupal un CMS axeitado para calquera sector. Durante o transcurso do seminario, os asistentes aprenderán os compoñentes tecnolóxicos, as funcionalidades e as vantaxes, a través de exemplos prácticos, de empregar Drupal no desenvolvemento de sitios web.

O encargado de dar o seminario é Alberto Permuy, socio de Codery, e arquitecto Drupal. Alberto leva dende o ano 2008 traballando no desenvolvemento e na administración de aplicacións baseadas en contornos Drupal, tanto para Administracións públicas como para pemes. Dende Codery administran sistemas GNU/Linux, sitios web e intranets correndo en Drupal, con especial atención a cuestións vinculadas a rendemento, escalabilidade e seguridade.

Publicase o novo GNOME 3.22 en galego

GNOME en galegoO Proxecto Trasno anunciou a nova versión de GNOME 3.22 completamente traducida ao galego. Esta nova publicación ven cargada de novidades no software e tamén dun gran traballo de tradución, xa que se mantén o nivel de tradución da interface no 100%.

GNOME 3.22 é a última versión de GNOME 3, resultado de 6 meses de duro traballo da comunidade de GNOME. Contén importantes características novas, así como de pequenas melloras e arranxos de erros. En total, esta publicación incorpora 22980 cambios realizados por 775 contribuidores aproximadamente.

O Premio ao Mellor Proxecto Universitario con Licenza Libre entra na súa fase final

  • O vindeiro 2 de outubro péchase o prazo de inscrición e o 21 celebrarase o acto de presentación dos finalistas e da entrega do  premio
  • Entre as novidades deste ano están os materiais de apoio para os aspirantes, accesibles desde o portal Mancomún
  • Ademais, poden coñecer de primeira man a experiencia dos premiados de edicións anteriores, grazas a unha unha nova sección de entrevistas dispoñibles na páxina do premio

Banner do PremioO vindeiro día 2 de outubro péchase o prazo para inscribirse no Premio ao Mellor Proxecto Universitario con Licenza Libre, promovido pola Amtega, ao que pode optar calquera estudante do Sistema Universitario Galego que teña defendido o seu Proxecto de Fin de Carreira, Traballo de Fin de Grao ou Traballo de Fin de Mestrado cunha nota mínima de 5.0, nalgunha das convocatorias do ano académico 2015-2016, sempre que o proxecto teña unha licenza libre.

Unha vez analizados e avaliados os proxectos presentados elixiranse os finalistas que participarán no acto, que terá lugar o día 21 de outubro no auditorio da Biblioteca da Cidade da Cultura, en Santiago de Compostela. Nesta xornada os finalistas presentarán o seu proxecto diante do xurado que, posteriormente, emitirá a súa resolución. Ao remate do acto entregaranse os galardóns, cunha dotación económica de 1.500€ e 750€ para o primeiro e segundo respectivamente.

Financiamento público, Software Libre

O software desenvolvido con fondos públicos deben de ser posto a disposición como Software Libre e de código aberto, eso é o que se conclúe despois de oír as verbas da eurodeputada Julia Reda. Compartir o código fonte debe ser un estándar nos contratos de TI en toda a UE

Moitas administracións públicas xa recoñecen como o Software Libre e de código aberto permiten modernizar os seus servizos de TI, liberarse de dependencias con provedores, e axuda a reducir os custos. A membro do Parlamento Europeo, Julia Reda vai un paso máis alá nas súas declaracións do pasado 4 de setembro, no Software Libre Summit Foundation Europe , en Berlín: "Un goberno que asuma a súa responsabilidade ante o público en serio, entón terá que asumir a responsabilidade e contribuirá ao Software Libre".

Entrevista con Esperanza González, segundo premio da edición 2013 do Premio ao Mellor Proxecto Universitario con Licenza Libre

Foto Esperanza González"Diríalle aos estudantes que fixeran o seu proxecto con Software Libre e se empapasen da filosofía que o sustenta, pois precisamente as súas bases son o amor polo coñecemento e por compartilo e o estímulo á curiosidade e a aprendizaxe autónoma."

Dentro da serie de entrevistas coas e cos galardoados nas anteriores edicións do Premio ao Mellor Proxecto Universitario con Software Libre, hoxe publicamos unha nova entrega.

Neste caso entrevistamos a Esperanza González, quen acadou o segundo premio na edición do ano 2013, co proxecto Abioxénese, unha instalación interactiva do ámbito das belas artes, que responde aos movementos do espectador xerando visuais e música segundo ditos movementos.

GPUL e CIXUG organizan un novo obradoiro de instalación de GNU/Linux na Facultade de Informática da UDC

Cartel do obradoiroGPUL e a Oficina de Software Libre do CIXUG, organizan dous novos obradoiros de instalación de GNU/Linux para estudantes da Facultade de Informática da Universidade da Coruña como veñen facendo por estas datas nos últimos anos, e que van dirixidos principalmente ao novo alumnado chegado á facultade.

O obxectivo do taller é a instalación e configuración do sistema operativo Ubuntu 14.04, que se atopa dispoñible nos laboratorios de prácticas da Facultade de Informática, así como aproveitar para dar a coñecer as características máis importante do Software Libre, do sistema operativo instalado, e resolver todas aquelas preguntas que os asistentes poidan ter sobre o tema.

Publicación do listado de aplicacións destacadas do CTT para o primeiro semestre do 2016

Logotipo CTTO Centro de Transferencia Tecnolóxica (CTT) vén de publicar o listado de solucións dispoñibles destacadas do primeiro semestre de este ano. O listado fai referencia as solucións máis consultadas e tamén as solucións máis descargadas.

Dentro das solucións tecnolóxicas publicadas no CTT máis consultadas, destacan as solucións de validación e verificación de fimas e identidades electrónicas como son Plataforma de validación de firma electrónica @firma, o Cliente de firma electrónica de @firma e a CL@ve: Plataforma de intermediación de identidades electrónicas.

As outras destacadas son as solucións liberadas relacionadas coa xestión de documentos como FACE – Punto General de Entrada de Facturas Electrónicas de la AGE, a Sustitución de Certificados en papel ou SIR – Sistema de Interconexión de Registros.  

Emapic, aplicación de Software Libre para a realización de enquisas xeolocalizadas

Logo EmapicEmapic é unha aplicación desenvolvida polo Laboratorio de Enxeñería Cartográfica da Universidade da Coruña (CartoLab), e que permite a realización de enquisas xeolocalizadas, é dicir, que ademais do resultado propio das enquisas podemos saber tamén dende que lugar foron contestadas.

A aplicación naceu como resposta á inquietude deste grupo de investigación sobre a posibilidade de poñer calquera cousa nun mapa, incluso emocións, así por exemplo a primeira enquisa rexistrada era un mapa da felicidade.

A potencialidade de unir as enquisas coas tecnoloxías de información xeográfica, en palabras de Alberto Varela, profesor responsable deste grupo de investigación, "pode ser de utilidade en diversos aspectos como en temas de participación cidadá, en estudos de mercado a calquera escala ou practicamente en calquera tipo de análise".

Entrevista con Iago Suárez, gañador da edición 2015 do Premio ao Mellor Proxecto Universitario con Licenza Libre

Foto Iago Suárez"Dende a miña experiencia recoméndolles a todos os estudantes que publiquen o seu software baixo unha licenza libre, xa que isto supón un impulso á comunidade e ademais posibilita que se poida recoñecer o traballo realizado mediante premios coma este".

Nova entrega da serie de entrevistas coas e cos galardoados nas anteriores edicións do Premio ao Mellor Proxecto Universitario con Software Libre.

Hoxe publicamos a entrevista feita a Iago Suárez, gañador da edición do pasado ano co proxecto Ancoweb, unha aplicación web para a análise do comportamento humano en zoas transitadas.

O Proxecto Abalar emprega a solución libre EPOPTES para a xestión de aulas

Logotipo Proxecto AbalarSeguindo a traza doutras administracións públicas, o Proxecto Abalar emprega dende o pasado curso académico a solución de xestión remota de equipos EPOPTES para as aulas dos centros públicos pertencentes á CCeOU e que se encontran adscritos ao mesmo Proxecto Abalar, promovido pola Axencia para a Modernización Tecnolóxica de Galicia e a Consellería de Cultura, Educación e Ordenación Universitaria.
Pax. 10 de 327« Primeiro...89101112...203040...Último »

Pin It on Pinterest