Actualidade

Un total de 503 resultado(s) para Empresa

Xa está dispoñible o programa de xornada colaboraTIC.gal

Como xa se anunciou previamente, a Asociación de Empresas Galegas de Software Libre (AGASOL) e a Axencia para a Modernización Tecnolóxica de Galicia (Amtega), están a organizar colaboraTIC.gal, unha xornada para difundir entre o sector empresarial o software libre e as posibilidades de colaboración e novas vías de financiamento para proxectos que empreguen tecnoloxías libres.

Logo da xornada

Como vos informamos no seu día, o encontro terá lugar o 17 de xuño na Sala Eisenman da Cidade da Cultura. Constará de dúas partes:

  • “Vén escoitar”, centrada na exposición e presentación de boas prácticas no eido da colaboración entre o software libre e o tecido empresarial. Prazo de inscrición ata o día do evento, só limitado polo aforo.

  • “Vén falar e intercambiar”, en formato de speed-dating para favorecer encontros entre empresas de diferentes sectores fomentando a apertura de miras á hora de buscar colaboracións, clientes, provedores, etc. sempre en torno ao uso de tecnoloxías libres. Prazo de solicitude ata o 12 de xuño.

Como aplicar os principios do software libre ás decisións empresariais

Portada do Open Decision Framework de Red HatRed Hat publicou onte, a versión de comunidade do seu documento interno “Open Decision Framework” ou marco para a toma de decisións aberta con licenza libre.

Segundo as palabras de Rebecca Fernandez, a mantedora oficial deste documento, trátase dunha ferramenta de traballo que veñen desenvolvendo e probando internamente en Red Hat nos últimos anos. O documento recolle unha colección de boas prácticas para aplicar os principios do software libre aos proxectos empresariais e á toma de decisións. É dicir aplicar os principios de intercambio aberto, participación, prototipado rápido, meritocracia e comunidade á toma de decisións da nosa empresa.

Torus: Un novo e moderno sistema de almacenamento distribuído

Logotipo CoreOSCoreOS presentou onte á noite un novo sistema de almacenamento distribuído de código aberto deseñado para proporcionar almacenamento de confianza e escalable para clusters de contedores orquestradas por Kubernetes, o sistema de xestión de contedores de código aberto. Torus trata de dar resposta á problemática establecida no sector TIC no que as solucións de almacenamento existentes non foron deseñadas en orixe para ser orientadas ao cloud. "O almacenamento distribuído foi historicamente un problema indescriptible para aplicacións cloud-natal", dixo Peter Bourgon, enxeñeiro de sistemas distribuídos e creador de Go Kit.  

GeoWE: SIG On line Open Source

Os Sistema de Información Xeográfica (SIG) están amosando hoxe en día unha tendencia moi positiva e espertando a atención do gran público, así como un cambio e evolución cara á edición da información espacial directamente na web. 

Neste contexto, atopamos o proxecto Logotipo de GeoWEGeoWE, unha iniciativa nacida en España, que xorde como unha aposta por deseñar un SIX libre online de propósito xeral para levar a cabo edición avanzada de datos xeoespaciais na Web. É dicir, o seu obxectivo é achegar as capacidades de edición dos SIX de escritorio en un sistema online lixeiro e coa potencialidade da explotación de datos na nube.

Máis do 84% das pemes galegas empregan Software Libre

  • Os programas libres con maior implantación son os navegadores de internet e as aplicacións ofimáticas
  • O crecemento do Software Libre nas empresas informáticas galegas continúa a súa escalada, incrementándose en 2 puntos no último ano e situándose no 86,7%
  • No último ano aumentou en máis de 7 puntos a porcentaxe de empresas informáticas, provedoras de solucións TIC, que venden Servidores web e Servidores de correo
  • Máis da metade das empresas informáticas galegas considera que a tendencia de software libre no mercado será expansiva

O uso do Software Libre nas empresas galegas de 10 ou máis traballadores sitúase no 84,9%, por riba doutras Comunidades Autónomas como Madrid, Cataluña ou o País Vasco. No caso das microempresas a porcentaxe de uso é menor, aínda que segue a incrementarse respecto a 2014, e acada o 52,1%.

Imaxe do resumo executivo do uso de software libre nas pemes TIC no 2015

En canto ás empresas informáticas galegas, o uso do Software Libre crece en 2 puntos respecto ao ano anterior e sitúase no 86,7%. Son datos recollidos nos dous estudos sobre “O uso de Software libre nas empresas e no sector TIC de Galicia. Ano 2015”, publicados hoxe polo Observatorio da Sociedade da Información e a Modernización de Galicia (OSIMGA), adscrito á Axencia para a Modernización Tecnolóxica de Galicia (Amtega). Estes estudos enmárcanse nas actuacións de impulso do Software libre que se establecen no Plan de Acción Software Libre anual que desenvolve a Amtega.

Agasol e a Amtega organizan a xornada colaboraTIC.gal para difundir e fomentar a colaboración empresarial con software libre

Logo de colaboratic.galAGASOL e a Amtega organizan a xornada colaboraTIC.gal para o vindeiro día 17 de xuño. colaboraTIC.gal, defínense pois como un espazo onde ver, escoitar e amosar experiencias de colaboración entre os eidos das tecnoloxías abertas e o tecido empresarial.

Constará de dúas partes diferenciadas. A primeira parte da xornada terá por obxectivo difundir novos modelos de colaboración e traballo entre o eido das tecnoloxías abertas e outros sectores empresariais. Estará aberta ao público en xeral. A segunda parte terá formato de speed-dating e está dirixido a empresas e profesionais con interese en coñecer e explorar novas vías de colaboración empresarial grazas ao software libre. Seleccionaranse 10 empresas do sector TIC e 10 do resto de sectores.

O prazo de inscrición para o speed-dating estará aberto ata o 31 de maio.

Amazon libera Deep Scalable Sparse Tensor Network Engine

Almacén de Amazon en San Fernando de Henares

Se o pasado día 16 deste mes publicabamos a nova da liberación de SyntaxNet, framework de parser de linguaxe natural construído sobre TensorFlow, coma Open Source por parte de Google Research, hoxe a nova vén pola parte de Amazon quen acaba de anunciar a liberación de Deep Scalable Sparse Tensor Network Engine (DSSTNE) como software libre baixo os termos da licenza Apache versión 2.

DSSTNE é un conxunto de bibliotecas con modelos de Machine Learning (ML) e Deep Learning (DL).

EIRO o robot galego Open Source para robótica educativa

Robot EIRO

Neukos Robotics, empresa compostelá de recente creación, vén de abrir unha iniciativa na plataforma de crowdfunding Goteo para o creación e publicación dun kit de robótica educativa.

Trátase do proxecto EIRO, un kit de robótica educativa para a montaxe dun robot humanoide programable de código aberto baseado na plataforma Arduino con pezas fabricadas mediante impresión 3D, cuxo firmware e guía de uso serán publicados tamén con licenza libre.

EIRO é un proxecto que permite salvar as limitacións impostas polos fabricantes de robots convencionais, dado que a esencia Open Source posibilita a súa modificación con total liberdade. Así o usuario poderá modificar se o desexa tanto o seu deseño estrutural, como a súa arquitectura hardware e o seu código interno.

Novos seminarios sobre Odoo no CDTIC

A vindeira semana o CDTIC ofrece ata 3 seminarios de formación sobre a solución de ERP libre Odoo en Vigo, Ourense e A Coruña. Serán durante as tardes dos días 24, 25 e 26 de maio respectivamente.

Imaxe dos 3 próximos seminarios de Odoo no CDTIC

Aínda que os tres seminarios serán sobre a mesma solución, Odoo, están orientados a distintos perfís de empresas (loxística, vendas e distribución alimentaria), xa que se trata dunha solución moi modular e configurable que permite adaptarse a distintas realidades empresariais.

Odoo permite a xestión integrada e completa en contornos globais (diferentes divisas, numerosos idiomas, contorno multicompañía), a xestión da parte comercial e administrativa (contabilidade, vendas, facturación), a xestión loxística da empresa (almacéns), e a xestión da produción (MRP). Odoo e o desenvolvemento baixo licenzas libres permítennos afrontar a adaptación á nosa realidade empresarial (personalización e adaptación aos factores propios de cada empresa) con custos realmente baixos, poñendo ao alcance das pemes recursos que doutra maneira só estarían a disposición de grandes corporacións.

Pax. 10 de 51« Primeiro...89101112...203040...Último »

Pin It on Pinterest