Actualidade

Un total de 521 resultado(s) para Empresa

Ubuntu prové dun servizo de actualización en quente para actualizacións de seguridade

Canonical anunciou a posibilidade de actualizar de forma dinámica o kernel de Linux para Ubuntu mentres que se está a executar sen necesidade de reiniciar o equipo informático. Trátase de unha característica moi interesante para aplicar actualizacións de seguridade en...

Celebración do Web Engines Hackfest 2016

Portada web do Webkit Hackfest

Durante estes días estase a celebrar na cidade de A Coruña a 8ª edición do Web Engines Hackfest 2016, evento que conta cunha importante presencia internacional dos actores máis representativos no panorama da construción de plataformas web. Persoal técnico das compañías e organizacións como Apple, Collabora, Goggle, Huawei, Mozilla e Red Hat participan estes días nun encontro con marcado formato informal onde os asistentes mesturan pequenas charlas e relatorios con traballos intensivos en pequenos grupos, xera un extraordinario trabase de coñecementos entre os asistentes acercando puntos de vista sobre os portings de WebKit, Multimedia, Media Source, Streams API, Layout, MathML, Graphics, Fonts, Servo, Epiphany.

Prestashop incorpórase á oferta de aplicacións do CDTIC Virtual

  • A partir de hoxe, martes 20, as empresas interesadas poderán probar este sistema de comercio electrónico e coñecer as súas características a través do CDTIC Virtual.
  • O 22 de setembro o CDTIC celebra ademais unha sesión demostradora sobre Prestashop
  • Para acceder a este servizo só é preciso rexistrarse como profesional ou empresa na web do CDTIC

O Centro Demostrador TIC da Axencia para a Modernización Tecnolóxica de Galicia (Amtega) amplía a oferta de aplicacións libres no seu servizo de CDTIC Virtual coa incorporación do sistema de comercio electrónico Prestashop, que estará dispoñible a partir de hoxe, 20 de setembro.

Captura de pantalla de Prestashop

Esta ferramenta, de código aberto e libre distribución, empregada na actualidade para o funcionamento de máis de 250.000 tendas en liña, destaca pola súa simplicidade e aplicabilidade tanto para grandes establecementos como para empresas de reducida dimensión.

Ademais, o xoves 22 de setembro celebrarase a sesión demostradora “Proba a túa tenda en internet xa con Prestashop na nube do CDTIC” en horario de 16.00 a 20.00 horas e impartida pola empresa Hacce Soluciones TIC. As persoas intersadas en asistir a esta sesión, de carácter gratuíto como todas as actividades do CDTIC, só precisan rexistrarse como usuarios do CDTIC e inscribirse na sesión.

MaruOS é agora software libre

Logotipo de MaruOSA intención de MaruOS é capturar e empaquetar toda a experiencia de escritorio nun smartphone aproveitando as capacidades hardware dos dispositivos actuais.

Con MaruOS, un dispositivo telefónico, sen maiores particularidades cas de calquera outro smartphone, transforma o seu uso, case que pola súa totalidade, cando se lle conecta unha pantalla HDMI, converténdose nun completo sistema Linux/Debian de escritorio. A idea de MaruOS é unificar os conceptos de ordenador e teléfono persoal.

Vídeo experiencia sobre a implantación de OwnCloud nunha empresa galega

Experiencias TICDentro da sección de Experiencias TIC do Centro Demostrador TIC (CDTIC), no que se están a mostrar en forma de vídeos diferentes experiencias de transformación dixital en empresas pertencentes a diversos sectores non relacionados directamente coas tecnoloxías da información e das comunicacións, hoxe queremos destacar o caso de Gladex Placotec, por apostar pola implantación dunha tecnoloxía de software libre, OwnCloud.

Sobre a solución OwnCloud temos xa falado anteriormente en Mancomún e mesmo elaboramos un artigo completo sobre esta solución, no que entrevistamos a varias empresas galegas relacionadas con esta solución dende diferentes puntos de vista, o de empresa tecnolóxica que fornece servizos sobre OwnCloud e o de empresa que implantan a solución como usuaria.

No caso que destacamos hoxe, Gadiex Placotec S.L., trátase dunha empresa de Vigo que se dedica ao illamento e tabiquería seca de distribución, que implantou OwnCloud como ferramenta para mellorar a coordinación do seu persoal e delegacións.

A galega Librebit foi certificada pola The Document Foundation para os procesos de migración a LibreOffice

Logo certificación LibreOfficeA empresa galega Librebit foi certificada pola The Document Foundation, a fundación encargada do desenvolvemento de LibreOffice, como consultora especializada en procesos de migración a esta suite ofimática.

Este recoñecemento é de especial importancia xa que garante a dispoñibilidade de soporte especializado en Galicia sobre esta solución, así como nos procesos de migración a esta suite ofimática dende outras solucións privativas.

Librebit ten xa experiencia neste tipo de proxectos xa que colabora, como empresa membro de AGASOL, no proceso de migración a software libre do posto de traballo de empregado público da Xunta de Galicia.

Create React Project para proxectos Facebook React

Facebook lanza unha ferramenta de código aberto que facilita a creación de proxectos baseados en React. O proxecto nace a partires dun hackathon que tiña como obxectivo agrupar e automatizar o a configuración das ferramentas dun proxecto baseado en React nunha única ferramenta.

O proxecto, está publicado en Github baixo os termos da licenza BSD de 3 cláusulas.

BBVA e Santander escollen Software Libre para as nubes privadas de computación

Logotipo de Red HatNoticias publicadas recentemente amosan unha clara tendencia pola preferencia de bases tecnolóxicas Open Source para os sistemas de cloud computing no sector bancario. Dúas das grandes entidades españolas do sector, BBVA e Santander, deron a coñecer a súa adopción de software de código aberto, en vez de tecnoloxía propietaria, para construír as súas nubes internas de datos e computación. En ambos casos, decantáronse por tecnoloxías Red Hat.

Orballo Printing: Impresión dixital 3D Open Source en galego

Logotion Orballo PrintingA empresa Orballo Printing estase a labrar un nome relevante no mundo do impresión dixital 3D a base de Open Software e Open Hardware e o está a facer a nivel internacional. Esto, que pode ser o caso típico de empresa foránea, ocorre desta volta na casa. Orballo Printing ten a súa sede en Vigo e dende ela comercializa o seu produto estrela a impresora 3D Prusa Steel hacia todas as partes do mundo.

O factor diferencial clave desta volta para esta empresa é a súa aposta pola filosofía de compoñentes abertos e sen patente e pola coidado polo control da cadea de produción que consegue grazas a traballar na totalidade con provedores da contorna. Estos dous factores son os que, en combinación, estanlle a granxear a Orballo Printing un éxito notorio que está a ser acollido con agrado polas comunidades maker non só no ámbito local se non tamén as espalladas por todo o mundo.

Pax. 10 de 53« Primeiro...89101112...203040...Último »

Pin It on Pinterest