Dende a sección humanitaria de Open Street Map, coñecida como HOT (Humanitarian OpenStreetMap Team), veñen de facer un chamamento para que a xente se anime a mapear elementos para axudar coa situación excepcional na que vivimos, ben sexa para facilitar a vida da xente como para axudar a todos os profesionais a combater a pandemia.
Dende HOT, sinalan algún elementos clave a poñer no mapa ou a completar a información existente sobre eles como poden ser hospitais e demais centros de saúde, farmacias, supermercados e tendas de alimentación, bancos e caixeiros automáticos. Tamén sinalan diversas tarefas concretas relacionas coa alerta sanitaria.
Toda a información pode completarse no artigo da páxina de HOT.
