Obradoiros de GNU/Linux e xornadas de Copyleft

Alg-a, autodefinida coma comunidade subacuática de arte libre, infórmanos de dúas actividades relacionadas co Software Libre: uns obradoiros informáticos sobre GNU/Linux organizados pola Asociación Cultural Caleidoskopyo que comezarán en Vigo o día 25 de novembro e unhas xornadas de Copyleft que terán lugar o día 17 e 18 na Coruña e Vigo respectivamente.

Os Ciberobradoiros servirán de introdución a GNU/Linux e a aspectos coma a súa instalación, configuración inicial, funcionalidades… Os Ciberobradoiros serán impartidos na Cova dos Ratos situado na rúa Romil nº3 en Vigo.

Pola súa banda as charlas Cultura livre e Copyleft  achegarán este tipo de licenzas aos que acudan a estas actividades o día 17 de novembro no Centro Social Atreu da Coruña ás 20 horas e o 18 na Cova dos Ratos ás 19 horas.

Xunta

Xunta de Galicia, Información mantida e publicada na internet pola Xunta de Galicia

Atención á cidadanía - Accesibilidade - Aviso legal - Mapa do portal