O Software Libre axuda a reducir os custos operativos das empresas

Segundo o estudo realizado por Forrester Consulting para Unisys entre empresas estadounidense e europeas que avaliaron ou empregan xa software de código aberto, o devandito software produce suficientes beneficios nas actividades empresariais como para o empregar en aplicacións determinantes para o negocio, en áreas tan importantes como o control de ingresos e a mellora do servizo a clientes.

A maioría dos enquisados no estudo tamén usan o código aberto en aplicacións determinantes para os obxectivos, mais amosan certa preocupación sobre a falta de dispoñibilidade de servizos que liberen o potencial que este código ofrece. Os participantes da enquisa ven o software de código aberto capaz de ofrecer importantes vantaxes, sobre todo, ao reducir os custos operativos globais da empresa.

Tamén existen factores como o aumento da flexibilidade de negocio que están animando claramente a aceptación do código aberto para o empregar na infraestrutura informática e en aplicacións de misión crítica:

  • Máis da metade dos enquisados afirma que agora emprega o software de código aberto en aplicacións de misión crítica.
  • Máis do 79% sinala que o emprega na estrutura de aplicacións: bases de datos, servidores web e servidores de aplicacións, o que proporciona as bases para as súas aplicacións, xa sexan rutineiras ou de misión crítica.
  • O 77% dos enquisados indica que o código aberto é importante ou moi importante para mellorar a eficiencia informática e ofrecer máis por menos.
  • Un 71% o sinala como importante ou moi importante para consolidar a infraestrutura tecnolóxica.
  • Ademais, o 57% dos enquisados cualifica o código aberto como importante ou moi importante para facilitar a migración a unha arquitectura orientada aos servizos (Service Oriented Architecture – SOA).

Os servizos considéranse como un importante baleiro no código aberto. Case tres cuartos (74%) dos enquisados expresa a súa preocupación pola dispoñibilidade de consultoría, de integración e doutros servizos para o software de código aberto. Unisys xulga que é máis probable que esa gama de servizos estea cuberta por un provedor de servizo importante cunha maior competencia na subministración de solucións empresariais, que por provedores pequenos sen capacidade nin acreditación para proporcionar servizos de envergadura. Fonte: La Flecha

Xunta

Xunta de Galicia, Información mantida e publicada na internet pola Xunta de Galicia

Atención á cidadanía - Accesibilidade - Aviso legal - Mapa do portal