A conferencia Akademy é o maior evento internacional da comunidade KDE, a cal é encargada de desenvolver o entorno de escritorio Plasma (anteriormente coñecido simplemente como KDE), as aplicacións KDE (como por exemplo krita, okular, gwenview, digikam, k3b, kdenlive, tellico, dolphin…), Plasma Mobile, KDE neon ou WikiToLearn.
Nesta conferencia participan dende desenvolvedores, deseñadores, usuarios, tradutores ata promotores arredor dos proxectos KDE, onde terán, ao longo dunha semana, charlas, obradoiros, relatorios, sesións de traballo e tamén outras actividade lúdicas importantes á hora de facer equipo e comunidade. O programa do evento pode verse nesta páxina.
A Akademy ven celebrándose en diversos emprazamentos en Europa dende o ano 2004 cunha periodicidade anual organizada en colaboración entre KDE e unha organización local, neste caso Fachschaft Informatik, dende mancomún destacamos que no 2015 este evento se realizou na Coruña grazas á Asociación GPUL e á Universidade da Coruña e baixo a colaboración da AMTEGA ao abeiro do convenio coas asociacións de software libre galegas.