Durante o pasado mes de marzo, reuníronse na Consellería de Innovación e Industria a directora xeral de Promoción Industrial e da Sociedade da Información, Elena Veiguela, o responsable da Rede Internacional das Administracións Públicas polo Software Libre, Marcelo Branco, e representantes da Secretaría de Telecomunicacións i Societat de la Informació da Generalitat de Catalunya…
A directora xeral de Promoción Industrial e da Sociedade da Información da Consellería de Innovación e Industria, Elena Veiguela Martínez, manifestou a vontade da Xunta de incorporarse á “Rede Internacional das Administracións Públicas polo Software Libre”.
O obxectivo da Rede é fortalecer as relacións político-institucionais entre aquelas administracións que teñen o compromiso de consolidar o uso do Software Libre, deixando constancia da necesidade de traballar de xeito conxunto para difundir, estimular, desenvolver e promocionar o Software Libre como unha das ferramentas máis importantes das que dispón a sociedade para transmitir o seu coñecemento.
A Rede inspírase na lóxica do principal motivo de éxito da comunidade do Software Libre: a cooperación entre as diferentes administración públicas.