Trátase dun servizo dunha relevante utilidade para os deseñadores gráficos e outros perfís do mundo do deseño web que poden contar con esta ferramenta para poder avaliar e xogar cun considerable número de fontes (preto de 800) totalmente á súa disposición para os seus traballos.
No novo enfoque do portal pódese manipular a presentación do contido, mesmo se pode cambiar a disposición e cor de fondo da web para ver como se adapta a fonte seleccionada a determinadas variacións de estilo. Google Fonts ofrece tamén unha potente ferramenta de comparativas e filtrado das distintas fontes que facilita a busca das fontes máis axeitadas.
Todas as fontes subidas e dispoñibles, segundo a política de servizo, teñen que ser licenciadas con criterios compatibles coa definición de Open Source.
