Este formato empregado por Netflix permítelle manter un único conxunto de bens esenciais e de elementos únicos necesarios para compoñer activos relevantes a nivel local. Por exemplo, para un título como Narcos, onde o vídeo é basicamente o mesmo en tódolos territorios, Netflix pode manter un fondo común para todas as rexións e bloques específicos para áreas específicas como pode ser Xapón o que lle permite a redución dos recursos de audiovisual nun 95%.
O novidoso do anuncio non está non desenvolvemento das ferramentas que lle permiten manexar o estándar IMF a Netflix. O verdadeiramente novidoso e clarificador, como exemplo que é de como están a cambiar as estratexias de negocio das empresas, é o feito de que as ferramentas (imf-conversion e IMFTool) desenvolvidas por Netflix cos seus propios recursos e tempo adicado foron liberadas con licenza GNU GPLv3 para o disfrute de todo o mundo, inclusive os competidores naturais da propia compañía.
Netflix argumenta a súa decisión en que ten unha historia xa traballada na identificación e solución de problemas comúns dentro da industria e a búsqueda de solucións a través de ferramentas de código aberto polo que a contribución pola súa parte con código propio éra o paso natural a dar. Coa liberación das ferramentas, Netflix tamén espera que se ramifiquen estes esforzos de código aberto e se logre facer aínda máis funcionalidades para a comunidade crecente de usuarios do formato FMI.
