Audacity (editor de software libre de son, multiplataforma), foi adquirido por Muse Group (empresa que tamén conta con MuseScore, un editor de partituras de software libre e multiplataforma, entre outros programas).
Martin Keary (coñecido como Tantacrul) publicou un vídeo en Youtube co seguinte anuncio:
“Audacity acaba de unirse a Muse Group, un conxunto de marcas que inclúe outra popular aplicación musical de software libre chamada MuseScore, da que me encargo actualmente. E como as cousas van bastante ben en MuseScore, pedíronme que me fixese cargo tamén de Audacity en colaboración coa súa comunidade de código aberto. E do mesmo xeito que estamos a facer en MuseScore, agora estamos a planear mellorar significativamente o conxunto de características e a facilidade de uso de Audacity, proporcionando deseñadores e desenvolvedores dedicados a darlle a atención que se merece, á vez que se mantén libre e de código aberto.”
Vídeo de Martin Keary
Polémica pola telemetría
Unha das primeiras novidades introducidas en Audacity foi a telemetría na aplicación que enviará datos a Google Analytics e Yandex Metrica:
– A Google Analytics, os tempos de inicio e fin de sesión, erros, que opcións e recursos utilízanse ou que formatos de arquivo impórtanse e exportan, incluíndo un código de identificación único por cada instalación.
– A Yandex Metrica, métricas para «poder estimar correctamente os usuarios activos diarios».
Esta nova non gustou nada dentro comunidade de Audacity, polo que o desenvolvedor tivo que ampliar a información respecto á telemetría pola polémica suscitada:
“A telemetría é estritamente opcional e está deshabilitada de forma predeterminada. Non se comparten datos a menos que se elixa. A telemetría só funciona nas compilacións realizadas por GitHub CI desde o repositorio oficial. Se se está compilando Audacity desde o código fonte, proporcionarase unha opción para habilitar o código de telemetría. Esta opción estará desactivada de forma predeterminada.”
Información completa sobre a telemetría:
https://github.com/audacity/audacity/pull/835
