Dispoñible Moodle 4.0, xestor libre de cursos virtuais (Learning Content Management) que segue mellorando e que chega con moitas novidades. O seu uso está estendido en miles de centros, facilitando a educación en liña.
Moodle permite compartir recursos e materiais, facer webconferencias integradas, levar control das tarefas e puntuacións do alumnado e gamificación dos cursos.
Os desenvolvedores contan que Moodle 4.0 chega con:
“unha nova interface contemporánea, unha navegación intuitiva con pestanas e unha experiencia de curso redefinida que facilita aos educadores ou capacitadores crear e editar cursos e aos alumnos reducir as distraccións e priorizar o traballo do curso.”