Mancomun.org impartiu un relatorio sobre o Software Libre e as súas aplicacións no eido educativo o pasado venres no foro Inforensino organizado polo Centro de Formación e Recursos de Lugo. Nesta charla Mancomun.org achegou aos docentes os conceptos básicos do Software Libre e as principais ferramentas educativas abertas dispoñibles.
Canda Mancomun.org falou María José Rodríguez Malmierca, coordinadora do departamento de E-Learning do Centro de Supercomputación de Galicia, que expuxo as principais características de Aula Cesga, sistema de E-Learning baseado na plataforma libre Dokeos.
