Slimbook e a comunidade de KDE acaban de presentar o KDE Slimbook II, a segunda edición dun portátil ultrabook de 13 polgadas que é o froito do traballo en común de KDE e Slimbook.
Slimbook é unha empresa valenciana que se adica a emsamblar computadoras especialmente pensadas par ser usadas con GNU/Linux.
A importancia do modelo de portátil KDE Slimbook, que xa vai pola segunda versión, é que son probados por desenvolvedores da comunidade KDE e garanten un bo desempeño tanto co sistema operativo libre GNU/Linux coma co entorno de escritorio KDE Plasma, tanto é así que o podes mercar con KDE Neon instalado; KDE Neon é a distribución de referencia na comunidade KDE, que ten como base Ubuntu, pero conta con soporte da última versión do escritorio Plasma, podendo estar así á última no que se refire ás aplicacións KDE e a Plasma.
Outra característica a destacar deste modelo é que ao mercalo, tamén estás a colaborar economicamente co proxecto KDE, pois Slimbook doa a KDE unha porcentaxe do que cobra por este modelo de portátil.
No que respecta ás características hardware do equipo son as seguintes:
- Intel Core con Turbo Boost i5 ou i7
- 4, 8 ou 16 GB de RAM
- Disco SSD con interface M.2
- Bahía para disco duro adicional SSD ou mecánico
- Teclado retroiluminado con distintas distribucións dispoñíbeis.
- Touchpad grande e con capacidade de recoñecer xestos.
- USB 3 A, USB 3 C, USB 2
- Wifi Intel 7265N ou 8265AC
- GPU Intel HD 620 integrada na CPU
Podedes ver todas as características na páxina do modelo.