KEMECuentas é unha aplicación contable que se desenvolveu de forma autónoma, sen depender de ningún programa de facturación ou de xestión comercial anexo. Está dirixida a profesionais que precisen realizar o seu traballo sen ter que procesar datos extracontables, como dar de alta artigos ou xestionar stocks.
Entre as principais características a destacar desta versión, atópanse:
- Proceso de rexistros de IVE e elaboración dos libros de facturas emitidas/recibidas.
- Vencemento de contas a pagar e cobrar, con procesado automático de cobros/pagos.
- Regularización, peche e apertura de exercicios de forma automática.
- Rexistros para amortizacións de inmobilizado con realización de asentos de forma automática para cada exercicio.
- Posibilidade de confeccionar estados contables e outros documentos, nos que se poden incorporar fórmulas e detallar saldos de contas.
- Permite a confección de libros contables, os contidos dos libros e documentos pódense exportar a PDF.
- Emprego do paquete Latex para a impresión e consulta de informes.
- Manual de máis de 100 páxinas integrado na aplicación. Está dispoñible na páxina web do proxecto: http://keme.sourceforge.net
