A asociación multisectorial das novas tecnoloxías da información e da comunicación, INEO, debate hoxe en Vigo sobre o Software Libre e as súas repercusións no eido empresarial.

O acto estará moderado polo director do Centro de Supercomputación de Galicia, Javier García Tobío, e contará coa presenza de Antonio Pérez Casas, asesor da Consellaría de Industria e Innovación para a Sociedade da Información e experto en software libre. O resto de relatorios completaranse coas intervencións de José María Olmo, director de operacións e fundador de Andago, empresa madrileña de referencia nacional no uso de software libre; e Óscar Sancristán, de Alfa 21, empresa coruñesa especializada no desenvolvemento de redes baseadas en Unix/Linux.

O seminario está orientado a empresarios e profesionais das novas tecnoloxías e terá lugar hoxe, xoves 13 de xullo, ás 17 horas no auditorio da Zona Franca de Vigo .

Pin It on Pinterest

Share This