Xa se pode descargar a nova versión de gvSIG Desktop. Chega cargada de novidades e melloras, ademais algunhas destas novidades tamén poden ser utilizadas en versións anteriores.
Novidades destacadas: acceso rápido a Snapping, novo visor de imaxes, ligazóns con KMZ, integración con Jaspersoft, copia de seguridade, importador de campos, campos virtuais, configuración de formularios, marco de xeoprocesos, selección e conteo de duplicados, reloxo aorístico, conversión de capa vectorial 3D en 2D, buffer lateral, escalar iconas, novos servicios de mapas de OSM, integración entre gvSIG Mobile e gvSIG Desktop, análise de sistemas de distribución de auga potable, carga de ficheiros XML de SIGPAC, imaxes en SpatialLite, visor estadístico, entre outras.