GNOME 40 publicado como versión estable. Introducíronse 24.571 cambios procedentes de 822 colaboradores.
Está traducido ao 100% en galego, grazas ao proxecto de Gnome en galego que coordina Fran Diéguez e coa importante mellora de corrección ortográfica realizada con hunspell-gl.
GNOME 40
Os cambios máis importantes serían:
– Transición a GTK 4
– Cambio da disposición xeral (pasa a ser horizontal en lugar de vertical)
– O dash foi movido á parte inferior e central da pantalla
Aplicacións
A aplicación de Meteoroloxía ( Wheater), foi redeseñada e é capaz de mostrar máis información. Configuración da contorna, a sección de teclado foi mellorada.
GNOME Software é unha das aplicacións máis relevantes para aqueles que buscan unha experiencia pura e automatizada coa contorna.
A aplicación Arquivos (antes o explorador de arquivos Nautilus) recibiu un gran número de melloras: diálogo de preferencias mellorado, posibilidade de ordenar os ficheiros segundo a súa data de creación, posibilidade de obter unha vista previa ao configurar o fondo de pantalla desde Arquivos, nova opción de “Executar como un programa” no menú contextual para os ficheiros de texto executables e completación co tabulador ao escribir unha ruta.
Navegador Web (antes Epiphany) conta agora cun novo e mellorado deseño das pestanas e a extracción de Wikipedia dos datos dos lugares que se consultan con Mapas.
