Voltamos cos “Faladoiros de Mancomún”. Charlas en formato videopodcast onde tanto as condutoras destas conversas, como as participantes, son mulleres relevantes no mundo tecnolóxico, e especialmente, mulleres en contacto con temas relacionados co software libre e a cultura libre.
Un espazo onde visibilizar mulleres no sector tecnolóxico e onde poidan expresarse libremente, nun ambiente seguro e distendido.
Neste segundo faladoiro de 2022, contamos coa participación de:
– Bárbara Román, CEO da empresa Nolegaltech
– María Arias de Reyna, Enxeñeira de Software especializada en tecnoloxías xeoespaciais (GIS), activista do open software e do open data. Foi Presidenta de OSGeo e unha das desenvolvedoras principais de GeoNetwork.
