EterTICs naceu da Rede de Radios Comunitarias de Software Libre, baixo a dirección de Javier Obregón, aló polo 2013 e ata día de hoxe mantén un desenvolvemento activo e constante como demostra a saída desta versión 10.0 chamada Kuntur (cóndor en Quechua).
Pensada para facilitar a migración ao software libre (de radios comunitarias e outro tipo de entidades parecidas) e adoptar “tecnoloxías libres para así xerar comunicación libre”. Está instalada, a día de hoxe, en decenas de emisoras comunitarias de toda América Latina.
En palabras da a propia xente do proxecto, conciben EterTICs como:
…un conxunto de programas informáticos seleccionados para liquidar unha problemática puntual, no noso caso a instalación e configuración que permitan sacar unha radio sexa polo éter ou por internet de forma fácil e rápida, todo isto sobre un Sistema Operativo GNU con núcleo Linux…”
EterTICs
EterTICs v10.0 é unha adaptación da distribución Devuan GNU/Linux (á súa vez esta deriva de Debian, pero sen empregar a peza Systemd), que busca sobre todo a estabilidade. Pensada para funcionar principalmente nos PC’s das radios e estar sometidas a un traballo duro, moitas veces de 24x7x365 como un pequeno servidor.
Características de Kuntur
- Sistema Operativo: GNU/Linux
- Kernel: Linux oficial do proxecto Devuan 4.9.0-8-amd64
- Distro base: Devuan 2.0
- Arquitectura: amd64 e i386
- Algunhas das diferenzas con Devuan GNU/Linux:
- Xestor de inicio de sesión Lightdm
- Xestor de redes network-manager
- Escritorio MATE 1.20
- Agréganse 2 paneis con lanzadores de aplicacións (Docky).
- Programas que trae pensados especialmente para radios:
- AudioRecorder 2.1.3
- Audacity 2.1.3
- Ardour5 5.5.0
- Butt 0.1.17
- Suite Cadence 2.0.8
- GRadio 4.0 *Ébano
- Jack Mixer
- Mixxx 2.0.0
- IDJ 0.8.16
Máis información: https://liberaturadio.org/lanzamiento-de-etertics-v10-0-kuntur/