Entregados os premios Sharing & Reuse Awards de 2019

Nesta segunda edición dos premios “Sharing & Reuse” houbo catro categorías para os galardóns e dous premios dentro de cada categoría:

• Software libre máis innovador
  1. OpenFisca de Francia, unha plataforma que permite o cálculo e realizar simulacións de taxas e impostos, ou como din na súa presentación “transforman a lexislación en código”.
  2. Decidim, a plataforma de innovación e participación cidadá da cidade de Barcelona.
• Software libre con maior impacto na cidadanía ou no tecido empresarial
  1. Open-eID, unha colección de compoñente de software da administración electrónica de Estonia.
  2. Consul, o portal do goberno aberto do Concello de Madrid.
• Servizo TIC máis innovador
  1. Yucca Smart Data Platform, unha plataforma de big data e IoT de Italia.
  2. Consent-based loan application, un proxecto de colaboración entre a administración e a industria de Noruega mediante o cal compartir datos sobre a contabilidade e os impostos.
• Servizo TIC con maior impacto na cidadanía ou no tecido empresarial
  1. A reutilización de software na plataforma electrónica de saúde en Bélxica.
  2. Gate of Mazovia da rexión polaca de Mazovia fornecendo máis de 1500 servizos aglutinados nun portal electrónico.

Os equipos de traballo gañadores recibiron 15.000 euros e os segundos clasificados 10.000, outros tantos proxectos recibiron o recoñecemento de quedaren finalistas, como son os seguintes:

• Oslo Validator de Bélxica.
• OAW Tracker de España.
• @firma, a plataforma de sinatura electrónica de España.
• LUTECE da cidade de París.
• Once Only Principle (OOP) buidling block de Luxemburgo.
• Suomi.fi-Finnish Service Catalogue, o catálogo de servizos finés.
• Suomi.fi e-Authorizations, o servizo de sinaturas e autorización de Finlandia.

Sharing & Reuse Awards 2019

“Sharing & Reuse Awards” é un certame que organiza a Comisión Europea, dentro do marco do programa ISA2. O obxectivo destes premios son as administracións públicas, en concreto van dirixidos a recompensar a aquelas iniciativas dentro dos entes públicos que levaron adiante algún proxecto de software libre ou algún servizo TIC compartido e este teña sido reutilizado por algunha outra administración pública.

A edición de 2019 é a segunda vez que se organiza este certame, no que participaron 54 proxectos de toda a Unión Europea que se puideron rexistrar entre o 29 de novembro de 2018 e o 12 de marzo de 2019 e a entrega de premios tivo lugar o pasado mes de xuño nunha cerimonia da man de Emanuele Baldacci, o Director dos Servizos Dixitais da Comisión Europea.

Máis detalles sobre esta edición dos “Sharing & Reuse Awards” nesta ligazón:
https://joinup.ec.europa.eu/collection/sharing-and-reuse-it-solutions/sharing-reuse-awards-2019-results