Creando distribucións GNU/Linux

Unha boa forma de espallar o sistema operativo GNU/Linux, e as súas boas funcionalidades, é a través dos proxectos chamados Live-CD. Sen requirir coñecementos informáticos unha persoa pode utilizar e traballar con este sistema operativo, sen ter que instalalo.
 
LFS e DreamLinux son dous proxectos que fan posible un uso doado de GNU/Linux a través de interfaces moi intuitivas, coloridas e vistosas dando a posibilidade de crear novos sistemas GNU/Linux en formato Live-CD partindo destes.

 
Linux From Scratch (LFS) ten como cometido, proporcionar as ferramentas necesarias para que calquera persoa poida construír o seu propio sistema GNU/Linux, partindo dunha distribución xa instalada no seu disco duro, dunha partición limpa para albergar o novo sistema, e de ferramentas de programación para compilar os paquetes que compoñerán o noso sistema personalizado.
 
Dreamlinux 2.1 é outra distribución GNU/Linux, que facilita aos seus usuarios a creación das súas propias distribucións, coma a anterior LFS. Dreamlinux está baseada en Debian e Morphix e é un sistema Live-CD que pode correr desde CD ou instalarse en disco duro.
 
Fontes: linuxfromscratch.org, dreamlinux.com.br
Xunta

Xunta de Galicia, Información mantida e publicada na internet pola Xunta de Galicia

Atención á cidadanía - Accesibilidade - Aviso legal - Mapa do portal