O sábado 6 de outubro comeza unha nova edición de Coruña Hacks, unha serie de hackatons nos que desenvolvedores se reúnen nun mesmo espazo físico para deseñar e desenvolver proxectos libres conxuntamente.
Esta nova edición preséntase xa coas sesións fixadas (6 de outubro, 17 de novembro e 1 de decembro). Na primeira sesión, escolleranse as ideas a levar a cabo, os equipos de traballo e comezarase a traballar nos proxectos nos que cada equipo traballará e terá ata o 1 de decembro para desenvolver, día no que se presentarán os proxectos para ver a súa evolución e realizarase unha entrega de premios.
Ao igual que a edición anterior de Coruña Hacks, está organizada por GPUL, Coruña Developers, Árticos e GDG Coruña; contando ademais con colaboradores como a Amtega e o Concello da Coruña.
