Na empresa enerxética Cepsa, dentro da súa transformación dixital, tomaron a decisión de empregar GNU/Linux, en concreto a distribución empresarial Red Hat que usará para a súa plataforma de computación heteroxénea na nube.

A solución adoptada por Cepsa conta con varias pezas fornecidas por Red Hat como son a plataforma de contedores conformada por OpenShift Container Platform, Container Storage e Ansible Tower como peza automatizadora do despregamento de infraestrutura.

Red Hat OpenShift trátase dunha plataforma empresarial para o manexo de infraestrutura de contedores baseada en tecnoloxías libres como Kubernetes e GNU/Linux.

Red Hat OpenShift Container Storage é unha tecnoloxía de almacenamento para os contedores que está especialmente deseñada para o funcionamento en conxunto con OpenShift.

Red Hat Ansible Tower é unha solución empresarial baseada no software libre Ansible que axuda a resolver problemas de escalado de infraestrutura informática.

Esta decisión do departamento de informática foi tomada debido á vontade de ser unha compañía áxil e con capacidade de responder con maior rapidez a peticións xeradas polos seus clientes e que se trata dun proxecto de grande envergadura debido a que Cepsa está presente en diversos países e conta con diversos equipos de traballo dentro da multinacional.

Dende Cepsa mostran a súa disposición a unha colaboración maior con Red Hat e dende Red Hat tamén se compracen de poder axudar a que Cepsa conte con unha infraestrutura empresarial más escalable e eficiente.

Fonte: https://www.redhat.com/en/about/press-releases/cepsa-powers-new-digital-customer-experiences-red-hat-based-container-platform

Pin It on Pinterest

Share This