O próximo 10 de abril, en horario de 9.15 a 14.30, terá lugar a sesión demostradora “II Encontro sobre Ceph”, no CDTIC en Santiago de Compostela. Mostrarase a solución Ceph (plataforma de almacenamento programable).

Esta sesión busca achegar ao público asistente á plataforma Ceph desde diferentes perspectivas, vendo os requisitos necesarios para adoptala na organización. Falarase tanto do hardware necesario, arquitecturas de referencia, identificación de provedores locais/nacionais, resolución de dúbidas e presentación de dous casos reais de uso en empresas galegas.

Xornada dirixida a analistas, arquitectos TIC, administradores de sistemas/almacenamento, CIO e, en xeral, ao sector TIC con necesidades de deseño, aprovisionamento software/hardware, implementación, despregue e desenvolvemento de servizos de almacenamento distribuído e escalable.

Características destacadas de Ceph:

  • Plataforma de almacenamento programable.
  • Aberta.
  • Gran capacidade de escalabilidade.
  • Válida para a infraestrutura e configuración na nube.
  • Repositorios multimedia.
  • Sistemas de copias de seguridade e restauración.
  • Data Lake.
  • Distribuída.

Programa da xornada

9:15 Benvida e recepción. Presentación do CDTIC

9:30 Ceph en containers con Rook para dar almacenamento persistente a Kubernetes / OpenShift. Luis Rico. Senior Solution Architect

10:00 – 10:30 O NVME como entorno base e a evolución á memoria persistente. David Ramirez, SUPERMICRO, Field Application Engineer España e Portugal

10:30 – 11:15 Break

11:15 Introdución a Mellanox e a súa relación con Ceph. Francisco Rodriguez Moure, Socio Fundador de Colabora Ingenieros S.L.

11:30 Conectividade Ethernet End-to-End de Mellanox = Entorno CEPH de altas prestacións. Javier Sánchez Rojas – RSM Iberia

12:00 Leccións aprendidas co uso de Ceph en produción. Camilo Echevarne e Félix Barbeira

12:30 – 13:15 Break

13:15 CEPH, onde non chegan as cabinas de discos. Jesús Blanco (Responsable de Sistemas) e Alejandro Escobar (CEO)

13:45 A nova funcionalidade de zona de arquivo en Ceph/RGW. Javier Muñoz Mellid. Software developer en Igalia e contribuidor upstream de Ceph

14:15 Q/A Debate

14:30 Fin da xornada

Organiza Amtega en colaboración con Red Hat, SUPERMICRO, Colabora Ingenieros, Mellanox, Dinahosting, Aitire e Igalia.

É necesaria a inscrición previa para poder asistir á sesión demostradora.

Máis información e inscrición: https://cdtic.xunta.gal/ceph-ii

Pin It on Pinterest

Share This