O “Arduino Day” é unha celebración anual de ámbito mundial no que teñen lugares diversas actividades arredor da plataforma de hardware libre Arduino. Este ano o día oficial foi o 16 de marzo, día no que se celebraron diversos eventos como o que se celebrou na Pontes da man de Amigus Lab.

Outros colectivos escolleron celebrar o día do Arduino noutras datas. A asociación “Makers Lugo” decidiu celebralo o día 6 de Abril dende as 10:30 horas no CEI Nodus de Lugo.

Durante toda a xornada do Arduino Day Lugo terá lugar diversas actividades, como exposición de proxectos, charlas breves, obradoiros e competicións de robótica.

O programa do Arduino Day de Lugo 2019:

  • Exposición aberta de proxectos (10:30-13:30 e 16:30-19:30)
  • Reto impresión 3D (construcción dun tramo da muralla de Lugo con pezas impresas)
  • Relatorios breves:
    • 12:30 Odoo+Arduino
    • 12:45 Proxecto Cyclops
    • 13:00 Iniciación a impresión 3D e primeiras dúbidas
  • Competicións de robótica:
    • 11:30-12:30 Sigueliñas e velocistas
    • 17:30-18:30 Loita de robots con mini sumobots
  • Obradoiros:
    • 10:30-19:00 Obradoiro de deseño 3D
    • 11:00-13:00 Obradoiro de Cohetes
    • 10:30-13:30 Obradoiro de Escornabots
    • 16:30-18:30 Obradoiro de Echidnashield

Para máis información sobre a celebración ou a inscrición nos obradoiros, competicións… recoméndase visitar a páxina web do evento.

Pin It on Pinterest

Share This