A distribución de GNU/Linux baseada en Ubuntu, Linux Mint, ven de lanzar a súa versión número 21 co nome de Vanessa e como é tradicional nesta distribución conta con 3 sabores dependentes da contorna de escritorio a escoller:
- Linux Mint Cinnamon
- Linux Mint MATE
- Linux Mint Xfce
As imaxes para a instalación de todas as variantes están dispoñibles para a súa descarga dende a páxina web do proxecto.
Novidades de Linux Mint 21 “Vanessa”
Esta nova versión non presenta grandes novidades. A principal é que pasa a se basear en Ubuntu 22.04 LTS e conta con soporte ata o ano 2027. Por outro lado tamén se destaca o cambio na sistema de xestión de Bluetooth, que pasa a utilizar Blueman en lugar de Blueberry, que fornece unha aplicación máis integrada coa diversidade de contornas de escritorio. Así mesmo tamén hai melloras na aplicación de notas e na de copias de seguridade
Todas as versións contan con un núcleo Linux na versión 5.15 e as versións das distintas contornas de escritorio son a Cinnamon 5.4, que mellorou a parte de configuración do propio entorno, Mate 1.26 e Xfce 4.16.
Para coñecer máis sobre as novidades das versións poden visitarse os artigos que publicaron sobre as novas versións: Linux Mint Cinnamon, Linux Mint MATE ou Linux Mint Xfce.
