Actualidade

Un total de 63 resultado(s) para breves

Red Hat Enterprise Linux actualiza á versión 7.5

A distribución de GNU/Linux empresarial de Red Hat acaba de sacar unha actualización para a súa última versión, a 7.5. Red Hat segue co seu enfoque en servidores, no mundo “cloud” e infraestrutura híbrida.
As novidades máis destacadas son a integración de OpenSCAP coa plataforma Red Hat Ansible Automation, melloras de rendemento con Virtual Data Optimizer (VDO), así como melloras na compatibilidade con Windows Server e Microsoft Azure.

Podes ver máis detalles sobre esta actualización na nova da páxina de Red Hat e nas notas da versión.

Mozilla anunciou nova versión de Firefox

Firefox 59 foi anunciada por Mozilla a semana pasada e ten como novidades máis importantes varias relacionadas co seu rendemento e os tempos de carga das páxinas web, outro cambio é que a páxina de inicio é agora máis personalizable, a captura de pantalla foi mellorada e o soporte de comunicación en tempo real (RTC) foi refinado.

Gnome renóvase coa versión 3.28

A comunidade de Gnome ven de anunciar a súa versión 3.28.
Gnome é un dos entornos de escritorio maioritarios en GNU/Linux que destaca por ser un entorno simple de cara á experiencia de usuario.
Algunhas das novidades introducidas nesta versión de Gnome son: Marcación de favoritos no navegador de ficheiros. Melloras na aplicación de organización persoal. Tipografía por defecto máis bonita. Novas características multimedia. Estatísticas de uso de recursos…
Se queredes ver máis detalles, podedes ver as notas da versión.

Calendula liberou a versión 2.5

Calendula é unha aplicación de software libre para android, feita en Galicia e premiada co Premio ao mellor Proxecto de Fin de Carreira con Software Libre na edición do ano 2016.
Esta aplicación é un asistente para a xestión da medicación, enfocada en axudar a tomar correctamente o tratamento, ou incluso axudarlle a outras persoas a levar un tratamento de forma correcta.
Algunhas das novidades introducidas na versión 2.5 son: Melloras no sistema de alarmas (notificación insistente, escolla de ton), control de stock de mediación con alertas, melloras na seguridade e privacidade con bloqueo de PIN ou pegada.
Calendula está traducida tanto ao galego coma ao español e podes descargar a última versión dende a tenda de Google, dende F-Droid ou mesmo dende GitHub.

Nextcloud estrea a versión número 13

Nextcloud, a suite de almacenamento de ficheiros e aplicacións na nube lanzou a súa versión número 13. Entre as melloras que podes ver na nota da versión, destacamos que o rendemento aumentou considerablemente, a seguridade e que redefiniron algúns aspectos da súa interface de usuario.
Outra das novidades máis destacadas e esperadas foi a incorporación á suite de Nextcloud Talk, un software de chat e videoconferencia P2P con cifrado extremo a extremo desenvolvido por Nextcloud, completando así as funcionalidades de Nextcloud.

A versión 3.0 de VLC acaba de ser liberada

VideoLAN ven de anunciar a nova versión do reprodutor multimedia máis completo do mercado, o VLC, que ademais de ser libre é multiplataforma, contando con soporte para Windows, macOS, iOS, Android, GNU/Linux, BSD…
A versión 3.0, co nome clave Vetinari acaba de ser liberada e esta conta cunha morea de novas funcionalidades, alén dos máis de 1500 erros solucionados, entre as novidades que salientamos están: Activación por defecto da decodificación por hardware, permitindo definicións UHD (4k e 8k); visualización de vídeos 360º; soporte de profundidade de cor de 10 bits, proporcionando así HDR; soporte de streaming a Chromecast; reprodución de menús Blue-Ray Java (BD-J) e tamén o VLC poderá recorrer a rede local para atopar ficheiros multimedia compartidos para reproducilos.

Se queredes ver a lista completa de novidades así como descargar a nova versión, podedes facelo na páxina do anuncio.

Nova versión de LibreOffice

A suite ofimática por excelencia do software libre, LibreOffice, rematou xaneiro anunciando a súa versión 6.0.

O anuncio produciuse o 31 de xaneiro. Como novidades máis relevantes temos: Cambio de aparencia e melloras visuais nas barras de ferramentas, soporte de sinatura e cifrado de documentos con OpenPGP, exportación directa a ePub (formato de libros electrónicos), importación de documentos de QuarkXPress, mellorada a xestión das imaxes incrustadas… Podedes ver todas as novidades na páxina web.

Pouco a pouco esta versión irá sendo adoptando polas distintas distribucións de GNU/Linux, pero se es unha desas persoas que non se pode aguantar e precisa estar á última, podes descargar esta nova versión dende a páxina de descargas.

 

Anunciada a versión 3.0 de wine o 19 de xaneiro

Wine é un software que permite executar aplicacións Windows en GNU/Linux. Esta aplicación é unha posible solución a eses programas para Windows que non existe alternativa a eles para GNU/Linux e queremos realizar unha migración a este sistema operativo libre.
A semana pasada o equipo de Wine anunciábanos a versión 3.0, esta versión ten como melloras destacadas: Soporte para Direct3D 10 e 11. Soporte para Direct3D CSMT. Incluido driver gráfico para Android. Mellorado o soporte para DirectWrite e Direct2D.

Podedes ver as notas desta versión na páxina do seu anuncio.

Nova versión DigiKam 5.8.0

DigiKam é un software que como di o seu lema é un Xestor de fotografías profesional co poder do software libre, trátase dun xestor de fotografías que conta con unha serie de ferramentas para importar, xestionar editar e compartir fotos dixitais en diversos formatos, incluído o raw. A mediados de xaneiro o equipo de DigiKam anunciounos unha nova versión, a 5.8.0.

DigiKam 5.8.0 está dispoñible para GNU/Linux, Windows e MacOS dende a páxina de descargas.

Nova versión de FileZilla

FileZilla, o cliente FTP multiplataforma con interface gráfica por excelencia, acaba de anunciar que a versión 3.30 xa está dispoñible na súa páxina de descargas.
Esta nova versión conta con corrección de erros e con unhas cantas melloras que podes ver na súa páxina.

Pax. 1 de 712345...Último »

Pin It on Pinterest