Actualidade

A empresa Necuno Solutions está a traballar da man de KDE para facer realidade un smartphone baseado en GNU/Linux e open source.

Nas súas propias verbas: O mundo dos smartphones está polarizado en dous sistemas operativos: Android e iOS. A súa pretensión e crear unha terceira opción que contente aos usuarios que gosten das plataformas open source baseadas en GNU/Linux e empregando Plasma de KDE.

Os teléfonos serán fabricados en Finlandia, con unha pantalla de 5.5 polgadas, un Arm Cortex-A9 i.MX6 quadcore como procesador con unha GPU Vivante. As primeiras versións non incorporarán conexión celular.

Mojang, os creadores de Minecraft e que hoxe en día son parte de Microsoft Studios, liberaron este pasado verán parte do código do popular xogo de construción en mundo aberto.

Son en concreto dúas librerías, Brigadier, motor de comando de Minecraft e DataFixerUpper, librería para converter calquera ao formato de datos que emprega o xogo hoxe en día. A intención é que máis librerías sigan o mesmo camiño do que estas dúas.

Ámbalas dúas atópanse liberadas ao abeiro da licenza MIT e dispoñibles en GitHub.

A versión 27 da distribución comunitaria de Red Hat anuncia o final da súa vida, polo que recomendan a actualización a Fedora 28 ou Fedora 29 para non quedar sen soporte.

A última versión con soporte de longa duración (LTS) de Ubuntu, a 18.04 contará con 10 anos de soporte en lugar dos 5 que viñan tendo ata a data, así o anunciou Mark Shuttleworth no OpenStack Summit en Berlin.

Debian 7.6 acaba de ser liberada con diversas actualizacións e correccións que se poden ver na nova do seu lanzamento.

Red Hat Enterprise Linux 7.6 ven de ser publicada recentemente con diversas novidades que se poden consultar nas notas da versión.

A distribución comunitaria da familia Red Hat, Fedora, libera a súa versión número 29, que chega 15 anos despois da primeira Fedora Core. As novidades de Fedora 29 pódense consultar no anuncio da versión.

O sistema xestor de bases de datos libre PostgreSQL ven de liberar a súa versión número 11 que conta con diversas novidades e corrección de erros que se poden ver na nota da versión.

A asociación detrás de KDE Plasma e KDE Applications (KDE e.V.) que acaba de cumprir 22 anos ven de anunciar a nova de que Handshake Foundation realizará unha doazón de 300.000$ dos que 100.000$ serán destinados a suite ofimática Calligra.

O editor de son Audacity ven de presentar a súa versión 2.3.0 que conta coa corrección de máis de 90 erros e novidades que se poden ver na nota da versión que está dispoñible dende a páxina de descargas.