Xornadas

  • EuroPython 2016 en Bilbao

    Publicado por Mancomún
    Martes, 19 de Xullo de 2016

    EuroPython 2016Este pasado domingo, día 17 de Xullo, comenzou en Bilbao o evento EuroPython 2016. Durante toda esta semana, ate o vindeiro día 24 Bilbao convñertese no centro da comunidade da linguaxe de programación Pyhton.

    [Ler máis]
  • Nova edición do curso de Análise estatística con Rcommander, organizado pola OSL do CIXUG

    Publicado por Mancomún
    Mércores, 13 de Xullo de 2016

    Imaxe do curso na aula virtual do CIXUG45 novos docentes serán formados na linguaxe estatística R a través da súa contorna gráfica RCommander na nova edición do curso en liña organizado pola OSL do CIXUG coa colaboración dos diferentes servizos de formación do profesorado das 3 universidades galegas.

    Así, durante os meses de setembro e outubro desenvolverase na aula virtual do CIXUG: cursos.cixug.es unha nova edición do curso en liña de Análise estatística con Rcommander.

    [Ler máis]
  • Resumo en datos da OpenExpo2016

    Publicado por Mancomún
    Mércores, 6 de Xullo de 2016

    Logotipo de OpenExpoOpenExpo 2016 vén de publicar os datos relativos á participación e asistencia no evento que tivo lugar o 2 de xuño. 

    Esta terceira edición da Feira e Congreso, en palabras da propia organización, “foi un éxito, permitindo ubicar a OpenExpo como o líder dos evento nos campo de tecnoloxías abertas de España”. Así mesmo, facendo unha comparativa coa edición anterior a nova edición mellora os datos acadando 2.143 visitantes (ata 49% máis co ano pasado), 120 empresas participantes (50% máis); dobrando o número de expositores e coa presentación de máis de 80 Papers (aumento de 20% con respecto á anterior data).

    [Ler máis]
  • Comezou o maior evento de OpenFOAM de código aberto

    Publicado por Mancomún
    Martes, 28 de Xuño de 2016

    Banner OpenFOAM

    O 11º Obradoiro OpenFOAM (OFW11), encontro internacional que achega a Portugal a 300 expertos para falar sobre solucións de código aberto, comezou hoxe e prolongarase ata o próxima xoves, día 30 de xuño, no Centro Cultural Vila flor, en Guimarães.  

    [Ler máis]
  • O uso do software libre nas empresas galegas supera o de comunidades como Madrid, Cataluña e o País Vasco

    Publicado por Mancomún
    Venres, 17 de Xuño de 2016
    • A directora da Amtega destacou estes datos do último informe do OSIMGA sobre o uso de tecnoloxías libres no tecido empresarial galego na inauguración de Colaboratic.gal
    • A xornada, que celebran hoxe Agasol e a Axencia TIC autonómica, busca abrir novas vías de colaboración entre as empresas de software libre e o resto dos sectores produtivos.
    • A Amtega desenvolve desde 2010 un Plan anual de software libre, en colaboración cos axentes do sector, cunha media de 100 actuacións cada ano dirixidas ao ámbito empresarial, á Administración e á sociedade.

    A Asociación de Empresas Galegas de Software Libre (Agasol) e a Axencia para a Modernización Tecnolóxica de Galicia (Amtega) celebran hoxe en Santiago a  xornada Colaboratic.gal, para difundir entre o sector empresarial o software libre e as posibilidades de colaboración e novas vías de financiamento para proxectos que empreguen tecnoloxías libres.

    Foto da inauguración de ColaboraTIC.gal
    A directora  da Amtega, Mar Pereira, e o presidente de Agasol, Xavier Castaño, inauguraron o encontro, que se se enmarca nas actividades do Plan de Software Libre impulsado pola Amtega en colaboración cos principais axentes do ecosistema galego do software libre como Agasol.

    [Ler máis]
  • LibreCon 2016: Chamada á participación como poñente

    Publicado por Mancomun
    Luns, 13 de Xuño de 2016

    Logotipo de LibreCon 2016Tralo éxito das pasadas edicións volve a LibreCon 2016, o maior encontro empresarial orientado ao intercambio de experiencias, coñecemento e solucións TICs Open Source, e fomento do desenvolvemento de negocio. O evento é organizado por ASOLIF que este ano conta coa colaboración de ESLE, quen toma o relevo de AGASOL na LibreCon 2015. Este ano pois o evento terá lugar os días 22 e 23 de novembro en Bilbao.

    Nesta VI edición, LibreCon centrará a súa actividade en 2 eixos fundamentais da economía: Open Industry 4.0 e Open Finances. Buscarase expoñer as tecnoloxías abertas que están permitindo dar servizo aos novos retos da Industria 4.0 e ao Sector das Finanzas e Seguros, en campos como o cloud computing, análise de Big Data e IoT.

    [Ler máis]
  • Guimarães acolle o 11 workshop de OpenFOAM

    Publicado por Mancomún
    Venres, 10 de Xuño de 2016

    Os vindeiros días 26 ao 30 de xuño terá lugar o 11 Workshop de OpenFOAM® en Guimarães, Portugal, organizado polo IPC/i3N-Institute of Polymers and Composites da Universidade de Minho.

    Banner do evento

    Neste encontro, que se celebra dende o ano 2006, participan un gran número e usuarios e desenvolvedores, tanto do sector industrial como do académico, interesados na tecnoloxía OpenFOAM®, que actualmente cobre un amplo rango de aplicacións. A xornada está aberta a calquera sen restrición de orixe ou área de actividade.

    [Ler máis]
  • Xa está dispoñible o programa de xornada colaboraTIC.gal

    Publicado por Mancomún
    Luns, 6 de Xuño de 2016

    Como xa se anunciou previamente, a Asociación de Empresas Galegas de Software Libre (AGASOL) e a Axencia para a Modernización Tecnolóxica de Galicia (Amtega), están a organizar colaboraTIC.gal, unha xornada para difundir entre o sector empresarial o software libre e as posibilidades de colaboración e novas vías de financiamento para proxectos que empreguen tecnoloxías libres.

    Logo da xornada

    Como vos informamos no seu día, o encontro terá lugar o 17 de xuño na Sala Eisenman da Cidade da Cultura. Constará de dúas partes:

    • “Vén escoitar”, centrada na exposición e presentación de boas prácticas no eido da colaboración entre o software libre e o tecido empresarial. Prazo de inscrición ata o día do evento, só limitado polo aforo.

    • “Vén falar e intercambiar”, en formato de speed-dating para favorecer encontros entre empresas de diferentes sectores fomentando a apertura de miras á hora de buscar colaboracións, clientes, provedores, etc. sempre en torno ao uso de tecnoloxías libres. Prazo de solicitude ata o 12 de xuño.

    [Ler máis]
  • Xeoposicionamento con OpenStreeMap

    Publicado por Mancomún
    Mércores, 25 de Maio de 2016

    Logo de OSMOs días 26 e 27 de maio, a asociación Xeopesca, en colaboración coa aula CeMIT de Poio, impartirá un obradoiro sobre “XeoPosicionamento con OpenStreetMap”.

    O obxectivo do obradoiro será introducir aos asistentes no funcionamento de OpenStreetMap, amosando como se realiza a localización e rexistro dos elementos a xeoposicionar e como incluílos en OSM. Se o tempo o permite, farase unha saída por Combarro realizando unha pequena ruta para comprobar que os elementos que xa están referenciados son correctos, actualizalos se é necesario ou rexistralos se non estivesen incluídos no mapa.

    [Ler máis]
  • Novos seminarios sobre Odoo no CDTIC

    Publicado por Mancomún
    Xoves, 19 de Maio de 2016

    A vindeira semana o CDTIC ofrece ata 3 seminarios de formación sobre a solución de ERP libre Odoo en Vigo, Ourense e A Coruña. Serán durante as tardes dos días 24, 25 e 26 de maio respectivamente.

    Imaxe dos 3 próximos seminarios de Odoo no CDTIC

    Aínda que os tres seminarios serán sobre a mesma solución, Odoo, están orientados a distintos perfís de empresas (loxística, vendas e distribución alimentaria), xa que se trata dunha solución moi modular e configurable que permite adaptarse a distintas realidades empresariais.

    Odoo permite a xestión integrada e completa en contornos globais (diferentes divisas, numerosos idiomas, contorno multicompañía), a xestión da parte comercial e administrativa (contabilidade, vendas, facturación), a xestión loxística da empresa (almacéns), e a xestión da produción (MRP). Odoo e o desenvolvemento baixo licenzas libres permítennos afrontar a adaptación á nosa realidade empresarial (personalización e adaptación aos factores propios de cada empresa) con custos realmente baixos, poñendo ao alcance das pemes recursos que doutra maneira só estarían a disposición de grandes corporacións.

    [Ler máis]
Axencia para a Modernización Tecnolóxica de Galicia
Galicia