Xornadas

  • Liberación de software: como se fai e por que é interesante para a miña empresa

    Publicado por Mancomún
    Martes, 23 de Maio de 2017

    A Axencia para a Modernización Tecnolóxica de Galicia (Amtega) a través do Centro Demostrador TIC (CDTIC) organiza o curso de Liberación de software: como se fai e por que é interesante para a miña empresa no que se fai unha introducción ao modelo de liberación de proxectos como software libre, facendo fincapé nas vantaxes que isto pode reportar e novos modelos de negocio asociados ao software libre que poden resultar de interese para unha empresa.

    Este curso está orientado a empresas que queren liberar o seu software baixo unha licenza libre ou explorar novos modelos de negocio baseados no software libre e abarca os seguintes temas:

    • Por que liberar o software

    • Modelos de negocio de software libre

    • Como liberar un proxecto paso a paso

    • Como xestionar un proxecto liberado

    Recorde que para asistir presencialmente a estas actividades debese realizar a inscrición no curso correspondente no espazo Empresa e Profesionais da web do CDTIC.

    [Ler máis]
  • Obradoiro de edición de audio con software libre

    Publicado por Mancomún
    Venres, 19 de Maio de 2017

    Cartel do obradoiroMañá sábado 20 de Maio no Centro Sociocultural de Caramoniña a asociación Xeopesca realizará un obradoiro de iniciación á edición de audio, que se desenvolverá n horario de mañá e tarde, de 10:30 a 14:00 e de 15:30 a 19:00.

    O curso é de carácter gratuíto sendo preciso incribirse previamente a través do correspondente formulario de inscrición.

    Dende a organización indican que é preciso levar un portátil co seu cargador e uns cascos ou auriculares. Así mesmo cómpre levar instaladas as útlimas versións de Audacity e VLC . Ademais tamén se pode levar calquera trebello de grabación de son, por se se quere resolver dúbiidas ou compartir coñecementos cos demais.

    [Ler máis]
  • Como establecer e como usar unha licenza de software libre e que implicacións ten para a miña empresa

    Publicado por Mancomún
    Martes, 16 de Maio de 2017

    A Axencia para a Modernización Tecnolóxica de Galicia (Amtega) a través do Centro Demostrador TIC (CDTIC) organiza o curso de Como establecer e como usar unha licenza de software libre e que implicacións ten para a miña empresa. En este curso explicarase que é unha licenza de software e quen pode establecela, e trataranse conceptos básicos sobre a propiedade intelectual. Tamén se fará unha introdución ás licenzas específicas para publicacións. Finalmente, verase algún exemplo práctico orientado ao eido empresarial sobre como establecer unha licenza ou que aspectos cómpre ter en conta á hora de escoller un software de terceiros.

    O curso está principalmente orientado a empresas que queren publicar algún contido con licenzas libres ou teñen a necesidade de integrar outros compoñentes de software libre nos seus proxectos ou fluxos de traballo, polo que a temática do curso centrarase en temas como:

    • Que é unha licenza de software e quen pode establecela

    • As licenzas de software libre

    • Licenzas para documentación e publicacións

    • Como interpretar as licenzas: integrando compoñentes de terceiros

    [Ler máis]
  • Cursos de Software Libre organizados pola Amtega

    Publicado por Mancomún
    Luns, 24 de Abril de 2017

    Logotipo CDTIC

    A Axencia para a Modernización Tecnolóxica de Galicia (Amtega) a través do Centro Demostrador TIC (CDTIC) continuando co seu esforzo pola difusión e a formación do Software Libre, organiza dous cursos introdutorios sobre licenzas libres e o seu uso empresarial:

    • O 23 de Maio de 2017 de 10:00h a 13:30h - Como establecer e como usar unha licenza de software libre e que implicacións ten para a miña empresa

    • O 30 de Maio de 2017 de 10:00h a 13:30h - Liberación de software: como se fai e por que é interesante para a miña empresa

    [Ler máis]
  • CSS Grid Layout: O futuro xa está aquí

    Publicado por Mancomún
    Mércores, 19 de Abril de 2017

    Este próximo 26 de Abril o grupo PHP Vigo organiza un meetup no que estará presente Manuel Rego, quen participou na implementación de CSS Grid Layout. Nesta presentación teremos a oportunidade de coñecer como funciona CSS Grid Layout e como este novo módulo de CSS vai cambiar o modo de deseñar webs no futuro próximo.

    Manuel Rego traballa na compañía galega Igalia e leva varios anos enfocado no desenvolvemento de CSS Grid Layout en WebKit e Chromium. Esta charla con Manuel Rego, que o grupo PHP Vigo nos pon ao alcance, é unha oportunidade excepcional para os desenvolvedores de coñecer de primeira man esta tecnoloxía que está chegando á industria de desenvolvemento web.

    [Ler máis]
  • Éxito da segunda edición dos GPUL Labs

    Publicado por Mancomún
    Venres, 14 de Abril de 2017

    Logotipo GPUL LabsComo xa ven sabemos, os GPUL Labs son unha serie de obradoiros, charlas, e hackathons centrados nas máis punteiras tecnoloxías, sempre Software Libre, e impartidas por poñentes de recoñecido prestixio a nivel galego.

    Se xa a edición do ano pasado dos GLUL Labs fora exitosa, a actual está a ser incluso mellor, con cheo total ata o momento en tódalas actividades e un total de uns 160 asistentes nas 4 charlas que se desenvolveron ata o momento.

    Tamén está a ser un éxito na cantidade de charlas propostas e na súa calidade, tendo actualmente pechadas unha actividade semanal ata a última semana do mes de Xuño e contando con poñentes de gran nivel como Rafa Bermúdez, CTO do Grupo Aluman, Carlos Sánchez membro da Apache Foundation e poñente en múltiples eventos internacionais ou Oscar Miguel Bandín CTO de Diariomotor entre outros moitos.

    Dende o GPUL incídese en que todas as actividades son gratuitas e realizanse maioritariamente na cidade da Coruña aínda que este ano tamén se ten previsto que cando menos 3 de elas se leven a cabo en Santiago co obxectivo de espallar a filosofía do software libre por outras cidades.

    Pódese atopar máis información sobre os GPUL Labs na web labs.gpul.org.

    [Ler máis]
  • Xornadas sobre gvSIG no Campus Universitario de Ourense

    Publicado por Mancomún
    Mércores, 12 de Abril de 2017

    A Asociación gvSIG, a maior rede de profesionais en xeometría libre, convídanos a asistires o vindeiro venres 21 de abril as Xornadas sobre gvSIG. As xornadas terán lugar no campus universitario de Ourense. O obxetivo destas xornadas é dar a coñecer gvSIG a través de relatorios e obradoiros prácticos.

    Na actualidade gvSIG converteuse nunha completa suite que permite abordar calquera necesidade relacionada coa xeomática. Esta xornada formulase como un encontro onde os estudantes, técnicos, usuarios, investigadores e a propia comunidade SIG en xeral poidan seguir e coñece as últimas novidade de gvSIG.

    [Ler máis]
  • Obradoiro de Microsoft Xamarin organizado pola CNTG

    Publicado por Mancomún
    Mércores, 12 de Abril de 2017

    Logotipo CNTGO CNTG ofrece obradoiro dirixido especialmente a programadores, desenvolvedores e directores técnicos que desexen aprender sobre Xamarin e os beneficios para a creación de aplicacións multiplataforma.

    Nunha época de cambios na que as tecnoloxías están a evolucionar exponencialmente, cada vez con máis diversidade de dispositivos, modelos de interacción cos usuarios, pasando de arquitecturas e tecnoloxías tradicionais a arquitecturas baseadas no Big Data, a nube, mobilidade, e un longo etcétera.

    Neste panorama Microsoft Xamarin xorde como unha solucións e rápida orientada a dar resposta áxil e máis abaratar os custos desta.

    [Ler máis]
  • Seminario de OpenSwift no CNTG

    Publicado por Mancomún
    Martes, 11 de Abril de 2017

    Logotipo CNTG

     

    O Centro de Novas Tecnoloxías de Galicia (CNTG) da Consellería de Economía, Emprego e Industria segue a promover cursos de adaptación tecnolóxica baseados en Software Libre.

    O vindeiro día 26 de abril de 2017 terá lugar un novo seminario esta vez a cerca da plataforma OpenShift de Red Hat.

    OpenShift é un proxecto de computación na nube (cloud computing) que proporciona plataforma como servizo (PaaS), o que se coñece coma unha plataforma para diferentes frameworks aprovisionados e administrados a través da rede. Este tipo de ferramentas permiten aos desenvolvedores abstraerse dos recursos, librerías e servizos necesarios para despregar as súas aplicacións, para centrarse no que realmente importa, o desenvolvemento, pero coa capacidade de probar o seu código nunha plataforma estable e neutra.



    [Ler máis]
  • Dispoñibles os recursos das xornadas de Ansible no CNTG

    Publicado por Mancomún
    Venres, 31 de Marzo de 2017

    O Centro de Novas Tecnoloxías de Galicia (CNTG) da Consellería de Economía, Emprego e Industria, impartiu un seminario sobre Ansible de Red Hat o pasado 24 de marzo de 2017.

    O mesmo CNTG vén de publicar na súa web os recursos empregados no mesmo seminario para que estén a dispoñibilidade de todos os interesados

    [Ler máis]
Axencia para a Modernización Tecnolóxica de Galicia
Galicia