Outras novas

  • O CNTG abre o prazo de inscrición para certificación dos cursos

    Publicado por Mancomún
    Luns, 27 de Marzo de 2017

    O CNTG (Centro de Novas Tecnoloxías de Galicia) anuncia a activación do prazo de inscrición para a certificación dos cursos realizados durante este primeiro trimestre do ano:

    • Desenvolvemento de aplicacións e servizos web Java EE Back-end

    • Desenvolvemento de aplicacións embebidas en Java para dispositivos móbiles - IoT

    • Administración de bases de datos MySQL

    • Desenvolvemento de aplicacións web con PHP e MySQL

    • Administración avanzada de sistemas operativos Linux (LPIC 2)

    • Administración avanzada de redes CISCO, CCNA Routing & Switching (curso impartido no último trimestre do 2016)

    • Implementación de solucións de infraestrutura Microsoft Azure (curso impartido no último trimestre do 2016)

    • E teñan dereito a realizar o exame de certificación, poden efectuar a reserva de data e hora para realizar a proba.

    Os exames terán lugar os días 19 e 20 de abril de 2017 en xornadas de mañá e tarde.

    O prazo de inscrición permanecerá aberto desde as 12:00 horas do día 23 de marzo, ata as 24:00 horas do día 4 de abril, data límite para efectuar a súa inscrición. En ningún caso se admitirán novas reservas con posterioridade ao peche deste prazo.

    [Ler máis]
  • Cursos da Linux Foundation

    Publicado por Mancomún
    Xoves, 23 de Marzo de 2017

    Linux FoundationComo todos os anos a Linux Foundation anuncia a oferta de cursos organizados pola mesma. Todos estes cursos son orientados a iniciación no manexo e administración de sistemas e tecnoloxías baseadas en Linux. A pretensión dos mesmos é a de asentar unhas bases de fundamentos en aspectos de administración, xestión e seguridade que sirvan para logo para unha futura expansión de ese coñecemento.

    Os cursos son online e parecen de particular interese os cursos enfocados as tecnoloxías máis incipientes coma OpenStack, Linux containers e Kubernetes. Tamén, dentro da oferta de cursos, son particularmente atractivos os cursos con acceso gratuíto:

    • Introdución a Linux (LFS101)

    • Introdución a OpenStack (LFS152)

    • Introdución a Infraestruturas de Tecnoloxías Cloud (LFS151)

    • Introdución a DevOps: Transformando e mellorando as operacións (LFS161)

    • Orientación de linguaxe inclusivo (LFC101)

    • Fundamentos de cumprimento básico para desenvolvedores (LFC191)

    [Ler máis]
  • Hacktahon For Refugees

    Publicado por Mancomún
    Xoves, 9 de Febreiro de 2017

    A fin de semana do 4 de Marzo, na sede do Impact Hub Vigo terá lugar a segunda edición do Hacktahon For Refugees. Esta iniciativa quere repetir o éxito acadado pola cita orixinal do xuño do pasado ano celebrada no coworking Sende de Lobeira (Ourense).

    Esta nova edición do Hacktahon for Refugees vén da man da asociación Agile Galicia que manteñen a colaboración co Impact Hub-María Regueira e Sende-Edo Sadikovic, que foron os impulsores da primeira edición do hackathon.

    A idea do Hacktahon For Refugees é a de focalizar os esforzos para que os distintos participantes acaden o modo de achegar ideas que dean resposta ás necesidades dos refuxiados e das organizacións que os axudan. Polo tanto, trátase de construír un ambiente de debate e intercambio de ideas no que permitan desenvolver solucións prácticas a problemas reais.

     

    [Ler máis]
  • Novo artigo tecnolóxico adicado á solución LibreOffice, un paquete de ofimática de Software Libre

    Publicado por Mancomún
    Mércores, 1 de Febreiro de 2017

    Logo LibreOfficeHoxe publicamos un novo artigo na sección de Artigos Tecnolóxicos, orientados a mostrar solucións de Software Libre que poidan ser de interese para as empresas. Neste caso falamos de LibreOffice, o xa bastante coñecido paquete de ofimática.

    Ademais de presentar a solución como tal, contamos coa colaboración de Librebit, unha empresa galega que ofrece servizos sobre esta ferramenta e que mesmo está certificada pola The Document Foundation, a entidade que desenvolve LibreOffice. Falamos con eles para que nos conten máis sobre esta solución.

    Dende o outro punto de vista, falamos tamén cunha empresa que implantou esta solución, Gadiex, unha empresa galega que está en proceso de migrar parte dos seus sistemas a software libre e que confiou en LibreOffice como ferramenta de ofimática.

    [Ler máis]
  • O certificado raíz da FNMT xa está incluído en Firefox

    Publicado por Mancomún
    Martes, 31 de Xaneiro de 2017

    Logotipo de Mozilla firefoxO pasado mes de agosto o anunciabamos, hoxe xa é un feito. Mozilla Firefox 51 convertese no primeiro navegador web libre con soporte para a autoridade certificadora dixital da FNMT dándolle vantaxe de uso nos portais web da administración española.

    Esta nova convertese nun fito para a administración pública electrónica española xa que simplifica toda a xestión dixital coa mesma. Esta versión de Mozilla Firefox está dispoñible para a súa descarga dende a pasada semana.

    A inclusión do certificado raíz da FNMT na base de datos de certificados de Mozilla Firefox habilita o acceso completo e plenamente fiable a os servizos web seguros expedidos pola FNMT sen necesidade de facer ningunha instalación manual dun certificado raíz da mesma.

    Deste xeito completase o camiño iniciado o pasado 26 de Mayo del 2008 coa petición formal de engadir o certificado da Fabrica Moneda e Timbre no navegador Mozilla Firefox. Dende Mancomún queremos dar os parabéns a todas aquelas persoas e organizacións que traballaron en prol deste feito.

    [Ler máis]
  • Sharing and Reusing 2017

    Publicado por Mancomún
    Xoves, 26 de Xaneiro de 2017

    O evento Sharing and Reusing 2017 (fonte orixinal da nova) está organizado baixo os auspicios do Programa ISA daUnidade da Dirección Xeral da Informática (DIGIT) da Comisión Europea e reunirá representantes do goberno, os involucrados na execución de políticas e toma de decisións, profesionais, xestores de TI e desenvolvedores do sector privado ofrecendo solucións de TI para a administración pública.

    A modernización da Administración pública a través da posta en común e reutilización de solucións de TI será o tema principal do evento (programa completo). Os participantes van discutir como a repartición e reutilización de solucións de software de código aberto pode permitir que as administracións públicas locais, rexionais, nacionais e europeas entregar mellores servizos electrónicos aos cidadáns a un custo reducido, promovendo ao mesmo tempo a interoperabilidade, a normalización e a cooperación entre eles. O evento outorga a posibilidade de compartir e discutir as mellores prácticas relacionadas coa posta en común e reutilización de solucións de TI (software e servizos) a nivel político e práctico.

    [Ler máis]
  • Presentación do novo logotipo de Mozilla

    Publicado por Mancomún
    Martes, 24 de Xaneiro de 2017

    Novo logotipo de Mozilla 

    A Mozilla Foundation, fundación sen fins lucrativos dedicada á creación de software libre para a internet a través do proxecto de código aberto Mozilla Application Suite, está a actualizar a súa identidade de marca usando os principios de código aberto Mozilla.

    A particularidade do feito é o modo de proceder xa que estase a facer do cambio un proceso totalmente aberto no que calquera pode participar.

    O proceso iniciado fai cousa de sete meses chega a súa fase cume. “Despois de miles de correos, centos de reunións, decenas de conceptos e tres roldas de investigación, temos algo que compartir”, comenta Tim Murray no anuncio da publicación.

    [Ler máis]
  • FSF actualiza as prioridades do Software Libre

    Publicado por Mancomún
    Martes, 24 de Xaneiro de 2017

    Logotipo Free Software FoundationA Free Software Foundation (FSF) anunciou a actualización da listaxe de prioridades para o desenvolvemento de proxectos de Software Libre (HPP).

    Na listaxe HPP destacan proxectos de gran importancia estratéxica para a meta da liberdade para todos os usuarios. Unha comisión de activistas de Software Libre, creada en 2014, foi a que dedicou á recollida de feedback da comunidade de Software Libre durante máis dun ano para a elaboración de esta última revisión da listaxe.

    [Ler máis]
  • A Universidade de Oviedo priorizará o uso de Software Libre

    Publicado por Mancomún
    Martes, 17 de Xaneiro de 2017

    Universidad de OviedoA Universidade de Oviedo trata de atopar o xeito de reverter os resultados obtidos o ano pasado segundo o IDSL (Índice de Difusión do Software Libre).

    O IDSL é un índice que serve para o RuSL(Ranking de universidades en Software Libre). O RuSL é unha clasificación de universidades en función do seu compromiso có Software Libre que realizase dende o 2012 sobre un total de setenta e cinco universidades españolas.

    [Ler máis]
  • FSFE posiciónase a favor do fomento do Software Libre no Horizon 2020

    Publicado por Mancomún
    Martes, 10 de Xaneiro de 2017

    FSFEA Free Software Foundation Europe (FSFE), organización altruísta e independente que é financiada polos doazóns desinteresadas, acaba de publicar un artigo de opinión (Position Paper) onde apoia o Software Libre e estándares abertos para proxectos Horizon 2020 e, en xeral, o financiamento público de proxectos de investigación.

    [Ler máis]
Axencia para a Modernización Tecnolóxica de Galicia
Galicia