Outras novas

  • Wordpress e WooCommerce dispoñibles no CDTIC Virtual

    Publicado por Mancomún
    Luns, 1 de Maio de 2017

    • O Centro Demostrador TIC pon a disposición das empresas usuarias a solución de tendas virtuais baseada en WordPress + Woocommerce para que poidan probalo e coñecer as súas características

    • O vindeiro 24 de maio o CDTIC organiza un seminario de iniciación nestas ferramentas para profesionais que queiran crear a súa propia tenda en liña

    • Máis de 100 empresas teñen solicitado os servizos do CDTIC Virtual, que ofrece a posibilidade de analizar e probar, de xeito gratuíto, solucións empresariais libres que están aloxadas na nube

    [Ler máis]
  • Aberto o prazo para solicitar unha análise HTTPS das web do sector público

    Publicado por Mancomún
    Domingo, 23 de Abril de 2017

    O CCN-CERT, dentro da súa campaña de impulso á implantación de HTTPS nas sedes electrónicas do sector público, abriu o prazo para solicitar unha análise dos dominios, servidores e aplicacións web de todos aquelas organismos e entidades que así o desexen.

    Máis información en no portal do PAE.

    [Ler máis]
  • Nova guía GNOME para novos colaboradores

    Publicado por Mancomún
    Venres, 21 de Abril de 2017

    Logotipo de GNOMEA través de Lignux.com coñecemos a nova de que GNOME recentemente actualizou a súa guía para novos colaboradores.

    A nova guía busca un enfoque práctico e describe o camiño natural máis doado para comenzar a contribuír na comunidade: Escoller un proxecto no que se queira colaborar; aprender a construír o proxecto a partires das fontes de código; identificar un problema ou tarefa na que se desexe traballar e finalmente contribuír o traballo á comunidade.

    A simplificación da guía permite acercar un pouco máis o proxecto a futuros colaboradores no xeito que facilita a acercamento como contribuínte activo dentro do proxecto mesmo.

    A guía, presentada como unha sinxela guía de catro pasos, tamén achega unha serie de recomendacións básicas de conduta para manter o bo ambiente da comunidade:

    • Ser paciente. Pode levar moito tempo antes de que un contribuínte poda axudar. Incídese no uso de mensaxes en abertos como a canle de IRC #newcomer para resolver as dúbidas dos novos participantes.

    • Respecto. A comunidade GNOME vese como unha gran familia de todo tipo de culturas e orixes. Buscan unha comunidade segura e cómoda para todos.

    • Dispoñer de iniciativa. Os colaboradores de GNOME atopan e deciden traballar en tarefas por conta propia.

    [Ler máis]
  • CSS Grid Layout: O futuro xa está aquí

    Publicado por Mancomún
    Mércores, 19 de Abril de 2017

    Este próximo 26 de Abril o grupo PHP Vigo organiza un meetup no que estará presente Manuel Rego, quen participou na implementación de CSS Grid Layout. Nesta presentación teremos a oportunidade de coñecer como funciona CSS Grid Layout e como este novo módulo de CSS vai cambiar o modo de deseñar webs no futuro próximo.

    Manuel Rego traballa na compañía galega Igalia e leva varios anos enfocado no desenvolvemento de CSS Grid Layout en WebKit e Chromium. Esta charla con Manuel Rego, que o grupo PHP Vigo nos pon ao alcance, é unha oportunidade excepcional para os desenvolvedores de coñecer de primeira man esta tecnoloxía que está chegando á industria de desenvolvemento web.

    [Ler máis]
  • Máis do 85% das empresas galegas de máis de 10 traballadores empregan software libre

    Publicado por Mancomún
    Luns, 17 de Abril de 2017
    • Neste rango empresarial Galicia supera a media estatal e sitúase por diante de comunidades como Madrid, Cataluña e País Vasco
    • A metade das microempresas galegas empregan software de código aberto
    • As aplicacións libres con maior implantación nas empresas galegas son os navegadores de Internet e as aplicacións ofimáticas libres

    O software libre nas empresas informáticas galegas, ano 2016O Observatorio da Sociedade da Información e a Modernización de Galicia (OSIMGA) acaba de publicar os informes sobre uso do Software Libre nas empresas informáticas, pequenas ou medianas empresas galegas do ano 2016.

    Máis do 85% das empresas de 10 ou máis empregados e a metade das microempresas galegas empregan software libre. Cabe salientar que as medianas e grandes empresas galegas superan a media do Estado no uso do Software Libre, situándose no noveno posto do ranking estatal, por diante de comunidades como Madrid, Cataluña ou País Vasco. No caso concreto do sector TIC galego o uso dos software libre elévase un 87,2%.

    Son os datos recollidos nos dous estudos sobre o uso de Software Libre nas empresas e nas empresas informáticas de Galicia no ano 2016, publicados polo OSIMGA, adscrito á Axencia para a Modernización Tecnolóxica de Galicia (Amtega).

    [Ler máis]
  • Obradoiro de Microsoft Xamarin organizado pola CNTG

    Publicado por Mancomún
    Mércores, 12 de Abril de 2017

    Logotipo CNTGO CNTG ofrece obradoiro dirixido especialmente a programadores, desenvolvedores e directores técnicos que desexen aprender sobre Xamarin e os beneficios para a creación de aplicacións multiplataforma.

    Nunha época de cambios na que as tecnoloxías están a evolucionar exponencialmente, cada vez con máis diversidade de dispositivos, modelos de interacción cos usuarios, pasando de arquitecturas e tecnoloxías tradicionais a arquitecturas baseadas no Big Data, a nube, mobilidade, e un longo etcétera.

    Neste panorama Microsoft Xamarin xorde como unha solucións e rápida orientada a dar resposta áxil e máis abaratar os custos desta.

    [Ler máis]
  • Seminario de OpenSwift no CNTG

    Publicado por Mancomún
    Martes, 11 de Abril de 2017

    Logotipo CNTG

     

    O Centro de Novas Tecnoloxías de Galicia (CNTG) da Consellería de Economía, Emprego e Industria segue a promover cursos de adaptación tecnolóxica baseados en Software Libre.

    O vindeiro día 26 de abril de 2017 terá lugar un novo seminario esta vez a cerca da plataforma OpenShift de Red Hat.

    OpenShift é un proxecto de computación na nube (cloud computing) que proporciona plataforma como servizo (PaaS), o que se coñece coma unha plataforma para diferentes frameworks aprovisionados e administrados a través da rede. Este tipo de ferramentas permiten aos desenvolvedores abstraerse dos recursos, librerías e servizos necesarios para despregar as súas aplicacións, para centrarse no que realmente importa, o desenvolvemento, pero coa capacidade de probar o seu código nunha plataforma estable e neutra.



    [Ler máis]
  • Entrega de premios Sharing and Reuse

    Publicado por Mancomún
    Luns, 3 de Abril de 2017

    Comisión Europea

    Este pasado día 29 de marzo tivo finalmente lugar a cerimonia de entrega dos premios Sharing and Reuse da Comisión Europea. O anuncio final dos gañadores ocorreu durante a cerimonia de premios. O primeiro e segundo premio (15.000 e 10.000 euros, respectivamente) foron concedidos aos equipos vencedores de cada categoría. Os calificados na terceira e cuarta posición recibiron un certificado de excelencia.

    O obxectivo dos premios do concurso Sharing & Reuse da Comisión Europea era aumentar a conciencia sobre os beneficios de compartir e reusar de solucións de TIC no sector público.

    [Ler máis]
  • Lanzamento de Google Open Source

    Publicado por Mancomún
    Xoves, 30 de Marzo de 2017

    Lanzamento de Google Open SourceO Software Libre e de código aberto foi parte importante da base técnica e organizativa desde os inicios de Google. Dende os servidores que executan o kernel de Linux ate unha cultura interna que fomenta a capacidade de calquera para corrixir o código de calquera outro equipo, o código aberto é parte dun todo que é Google.

    Como resposta das grandes contribucións da comunidade de código aberto, programas como Google Summer of Code e Google Code foron lanzados para fomentar este estilo de programación aberto e libre.

    Hoxe Google da un paso máis en esa liña lanzando opensource.google.com, un novo sitio web de Open Source onde aglutínanse todas as iniciativas desta compañía con información sobre o uso, os paquetes de distribución e ferramentas de apoio ao software libre.

    En verbas de Will Norris, Open Source Programs Office, este novo sitio mostra a amplitude e a profundidade do amor que ten Google cara a o código aberto xa que un dos principios da nosa filosofía respecto liberar o código fonte aberto é que "máis é mellor".

    Aa idea de Google é simple, intentar centralizar todos os proxectos propias de código aberto baixo o seu abrigo nun único lugar, así como tamén atraer proxectos Open Source doutros grupos ate a súa plataforma, a cal conta de entrada con máis de 2.000 proxectos inscritos.

    [Ler máis]
  • O CNTG abre o prazo de inscrición para certificación dos cursos

    Publicado por Mancomún
    Luns, 27 de Marzo de 2017

    O CNTG (Centro de Novas Tecnoloxías de Galicia) anuncia a activación do prazo de inscrición para a certificación dos cursos realizados durante este primeiro trimestre do ano:

    • Desenvolvemento de aplicacións e servizos web Java EE Back-end

    • Desenvolvemento de aplicacións embebidas en Java para dispositivos móbiles - IoT

    • Administración de bases de datos MySQL

    • Desenvolvemento de aplicacións web con PHP e MySQL

    • Administración avanzada de sistemas operativos Linux (LPIC 2)

    • Administración avanzada de redes CISCO, CCNA Routing & Switching (curso impartido no último trimestre do 2016)

    • Implementación de solucións de infraestrutura Microsoft Azure (curso impartido no último trimestre do 2016)

    • E teñan dereito a realizar o exame de certificación, poden efectuar a reserva de data e hora para realizar a proba.

    Os exames terán lugar os días 19 e 20 de abril de 2017 en xornadas de mañá e tarde.

    O prazo de inscrición permanecerá aberto desde as 12:00 horas do día 23 de marzo, ata as 24:00 horas do día 4 de abril, data límite para efectuar a súa inscrición. En ningún caso se admitirán novas reservas con posterioridade ao peche deste prazo.

    [Ler máis]
Axencia para a Modernización Tecnolóxica de Galicia
Galicia