O caso de éxito deste mes é a Plataforma educativa francesa baseada en software libre lanzada polo Ministerio de Educación Nacional e Mocidade de Francia (Ministère de l’Éducation nationale et da Jeunesse), aloxada na propia páxina do proxecto apps.education.fr.

Baseada en software libre, apps.education.fr ten como obxectivo garantir a continuidade pedagóxica e axudar a satisfacer as necesidades dos profesores en materia de ferramentas de ensino a distancia. É unha plataforma que recompila solucións de software recomendadas para os profesores e mestres que deben impartir educación a distancia aos seus estudantes. O servizo lanzouse para satisfacer as necesidades específicas xurdidas por mor da pandemia COVID-19. O código fonte de apps.education.fr está dispoñible en Gitlab baixo a licenza EUPL.

apps.education.fr tamén inclúe un conxunto de boas prácticas para o uso responsable das ferramentas dixitais. O desenvolvemento da plataforma baséase nas achegas dos usuarios a través dunha rede de contribucións de todas as rexións francesas.

A solución deste mes é unha plataforma libre educativa chamada apps.education.fr a cal integra as seguintes aplicacións:

Peertube para a transmisión de vídeo. Esta plataforma de vídeo de software libre permite aos usuarios subir, aloxar e ver medios de son e vídeo.

CodiMD (baseado en Etherpad) para a edición de texto colaborativos. CodiMD é un editor colaborativo para notas e presentacións, usando Markdown.

Pod, para a difusión de medios de son e vídeo. Plataforma académica para depositar e distribuír documentos de vídeo e son. Permite difundir os vídeos con total seguridade e sen publicidade, en particular para alumnos, para cápsulas de clases, recursos educativos, titoriais, pero tamén para conferencias, presentacións...

Nextcloud para compartir documentos. Este software de código aberto proporciona un espazo de almacenamento en liña seguro para distribuír e compartir documentos e recursos.