Novas
- José Ángel Piñeiro e Óscar Blanco gañadores do premio ao mellor proxecto universitario con licenza libre
- Nextcloud: A nova alternativa a OwnCloud para a xestión de ficheiros na nube
- Estudo comparativo sobre a seguridade no software libre fronte ao software desenvolvido polas institucións europeas
- A rexión francesa de Midi-Pyrenees sede da cuarta edición dos Encontros Rexionais de Software Libre
- O parlamento de Holanda lexisla sobre o emprego de estándares abertos
- O goberno federal de Estados Unidos está a piques de lanzar o seu repositorio de software
- Nantes amosa o seu aforro en custos grazas á súa aposta por Software Libre
- Oito de cada dez concellos galegos empregan software libre
Caso de éxito
DeIC, Danish e-Infraestructure Cooperation é unha entidade pertencente ao Ministerio de Educación e Ciencia de Dinamarca, encargada da infraestrutura tecnolóxica que da soporte as entidades participantes na súa rede de investigación.
Esta entidade, que levaba xa varios anos empregando OwnCloud acaba de migrar a NextCloud para facilitar o intercambio de información e a colaboración entre investigadores e estudantes. A seguridade, a escalabilidade e a garantía de soporte foron algunhas das razóns para escoller esta solución.
Proxecto destacado
NextCloud é unha solución de Software Libre para a xestión de ficheiros na nube, permitindo a súa compartición entre varios usuarios e a xestión dos cambios neles, manténdoos sempre sincronizados. Nexcloud é un recente fork de ownCloud, sobre o que falamos na nova “A nova alternativa a ownCloud para a xestión de ficheiros na nube” A nivel de uso é practicamente igual que Dropbox pero ademais de por ser software libre, diferénciase na posibilidade de facer unha instalación propia e ter un control total sobre onde están aloxados os ficheiros. As novas versións prevén tamén ofrecer videoconferencia e edición de documentos colaborativa.
Ofrece unha interface web dende a que se pode usar e administrar toda a plataforma así como aplicación cliente que está dispoñible para os sistemas operativos habituais, Windows, OS X e GNU/Linux, así como tamén para dispositivos móbiles baixo Android e iOS.
Segue a…
Frank Karlitschek (@fkarlitschek)
Fundador de Nextcloud e anteriormente tamén de ownCloud. Moi activo no mundo do software libre, como membro do board do proxecto KDE ou como fundador de openDesktop.org.
