Breves

• NVIDIA publica o driver para o kernel de Linux como código aberto

  NVIDIA publicou un driver de código aberto oficial para o kernel de Linux (ata o de agora, ofrecera o soporte para Linux a través dun driver privativo). O driver R515 publícase baixo unha licenza dual (GPLv2 estándar e MIT), para evitar calquera tipo de conflito coa liña oficial do kernel.

  O driver limítase ás últimas xeracións de tarxetas gráficas de NVIDIA: Turing e Ampere (GTX 16, RTX 20 e RTX 30), polo que a maioría dos usuarios non se verán beneficiados, de momento.

  

  O soporte de OpenGL, Vulkan, OpenCL e CUDA seguirá sendo privativo. Sen soporte de OpenGL e Vulkan é imposible executar a inmensa maioría dos videoxogos actuais, tamén supón unha limitación á hora de ter unha experiencia plena con escritorios GNOME ou KDE Plasma. OpenCL e CUDA están orientadas a sectores profesionais nos que se traballa con solucións como Blender.

  NVIDIA dixo que os módulos para o kernel son opcionais e están listos para produción nas GPU empregadas en centros de datos, mentres que os considera en fase alfa para os modelos de gráficas GeForce e as orientadas a estacións de traballo. NVIDIA dá un primer paso cara a liberación do seu código, veremos onde chega.

  Máis información

• KDE Plasma Mobile 22.04

  Nova versión da plataforma móbil KDE Plasma Mobile 22.04, baseada na edición móbil do escritorio Plasma 5, as bibliotecas KDE Frameworks 5, a pila telefónica ModemManager e o marco de comunicación Telepathy.

  Plasma Mobile utiliza o servidor composto kwin_wayland para mostrar gráficos e PulseAudio para o procesamento de son.

  

  Novidades: interface para cambiar entre aplicacións en execución (Task Switcher), mellorouse a animación ao activar e minimizar aplicacións, agregouse a capacidade de ordenar as aplicacións en execución na orde en que se abriron, adaptación mellorada ao ancho de pantalla na barra de tarefas.

  O reprodutor multimedia admite secuencias paralelas, agregouse soporte para bloquear, silenciar e seguir a outros usuarios, interface mellorada de Spacebar (programa para enviar SMS/MMS), mellouse o programador de calendario Kalendar, entre moitas outras.

  Máis información

• Xa é posible iniciar sesión con Wayland usando NVIDIA en Ubuntu 22.04

  Antes da saída de Ubuntu 22.04 LTS, Canonical dixera que usaría Wayland por defecto incluso con NVIDIA, pero finalmente non foi así no lanzamento da versión LTS (os usuarios de NVIDIA tiveron que usar o sistema de ventás X11).

  

  Tras a chegada de novos paquetes a Ubuntu 22.04, apareceu a opción para iniciar sesión con Wayland usando tarxetas gráficas NVIDIA, pero a experiencia non resulta totalmente satisfactoria de momento, debido a problemas con aplicacións que non arrincan e outros problemas detectados.

• Syncthing 1.19.2

  Syncthing, aplicación de sincronización de arquivos peer-to-peer libre e de software libre, está dispoñible para Windows, macOS, GNU/Linux, Android, Solaris, Darwin e BSD. Pode sincronizar arquivos entre dispositivos nunha rede local, ou entre dispositivos remotos a través de Internet.

  

  A seguridade dos datos está integrada no deseño do software. A nova versión 1.19.2, chega con novas características, varias correccións de erros e melloras.

  Máis información

• KDE Gear 22.04

  KDE Gear 22.04 chega cargado de novidades:
  – Dolphin mostra agora vistas previas para máis tipos de arquivos e máis información sobre cada elemento do sistema de arquivos dun modo máis lexible. A conectividade cos dispositivos MTP, como algunhas cámaras, funciona agora moito mellor en xeral.
  – Konsole, o complemento SSH mellorouse bastante e agora pode asignar distintos perfís visuais. Konsole agora pode mostrar imaxes.

  

  – Kdenlive, os usuarios de macOS xa poden editar vídeos con Kdenlive nos recentes dispositivos M1. O diálogo de renderización renovouse e engade novas funcionalidades.
  – Kate iníciase máis rapidamente e que resulta máis fácil explorar os directorios dos proxectos e atopar arquivos.
  – Okular mellorou a usabilidade e amigabilidade, entre moitas outras novidades.

  Máis información

• LineageOS 19

  LineageOS 19 foi lanzado. Baseado en Android 12, pódese executar tamén en Android Emulator e Android Studio, proporciona a capacidade de traballar en modo Android TV e Android Automotive. Ofrece o seu propio Lineage Recovery, que non require unha partición de recuperación separada.

  Novidades: o motor do navegador WebView está sincronizado con Chromium 100.0.4896.58. Ten o seu propio panel redeseñado, novo Asistente de configuración, novas iconas e animacións de Android 12.

  

  Melloras na aplicación da galería de fotos, no navegador web Jelly, na gravadora, no calendario e no software de copia de seguridade Seedvault. A función Wi-fi Display impleméntase para todos os dispositivos. O modo escuro está habilitado de forma predeterminada.

  Máis información

• Ubuntu Studio 22.04 LTS

  Ubuntu Studio, sabor de Ubuntu dedicado aos creadores que traballan principalmente con fotografía, son e vídeo. Ubuntu Studio 22.04 LTS está baseado en Ubuntu 22.04 LTS “Jammy Jellyfish”:

  
  – Conta co kernel Linux 5.15 LTS, compatible coas actuais liñas de CPU e GPU de Intel e AMD.
  – KDE Plasma 5.24 personalizado con KDE Framework 5.92, achega unha interface de usuario amigable co tema escuro e o tema de iconas nativas de Ubuntu Studio.
  – Studio Controls (centro de control nativo para Ubuntu Studio) actualizouse á versión 2.3.0 con mesturadores e plugins mellorados, con corrección de erros.
  – Pipewire 0.3.48, axudará a moitos usuarios con controis de son avanzados.

  Máis información

• GNU Guix fai 10 anos

  O proxecto no que se desenvolve o sistema de paquetería e a distribución 100% libre e respectuosa cos usuarios GNU Guix foi comezado a mediados de abril do 2012. Dende aquela máis de 600 persoas teñen colaborado no seu desenvolvemento.

  O sistema de paquetería pode empregarse tanto en sistemas operativos con núcleo Linux como en Hurd e a distribución que tamén emprega o sistema de paquetería homónimo utiliza o kernel Linux-libre como núcleo e conta con máis de 20.000 paquetes de software libre entre os que se atopan as aplicacións libres máis comúns.

  Na páxina web do proxecto pódese descargar GNU Guix, consultar titoriais e guías en distintos formatos, así como obter máis información sobre o mesmo.