Noticias destacadas

Actualidade

Guadec 2019, a conferencia de GNOME en Europa

Do 23 ao 28 de agosto terá lugar a GUADEC 2019 en Tesalónica, Grecia. A GUADEC (GNOME User and Developer European Conference) é unha conferencia europea anual, centrada no desenvolvemento e promoción da contorna de escritorio GNOME que pon en contacto a entusiastas e profesionais do Software Libre de todo o mundo a través de charlas, demostracións, discusións, festas, xogos e outras actividades. Busca dar a coñecer os últimos avances técnicos, a oportunidade de aprender novas habilidades e ferramentas, asistir a charlas de expertos e participar en talleres e debates. Comunidade GNOME Ademais...
Liberada XFCE 4.14 completamente traducida ao galego e migrada a GTK3

Liberada XFCE 4.14 completamente traducida ao galego e migrada a GTK3

Xfce 4.14 (escritorio lixeiro que usa recursos mínimos do sistema, perfecto para máquinas cativas ou antigas) chega despois de catro anos de desenvolvemento e varias versións previas. Trae, como gran novidade, a migración a GTK3. Esta versión conta coa tradución ao galego do 100%. Incluso a web xfce.org está dispoñible tamén en galego. Outros cambios importantes serían a adopción de GDBus, o soporte de GObject Introspection, Vsync a través de OpenGL e HiDPI. Xfce 4.14 mantense fiel ao seu estilo espartano, de corte clásico pero personalizable e estable. Novidades – Soporte para...
Wikimedia España e COBDCV firman convenio para promover o coñecemento libre

Wikimedia España e COBDCV firman convenio para promover o coñecemento libre

Wikimedia España e o Col-legi Oficial de Bibliotecaris i Documentalistes de la Comunitat Valenciana (COBDCV) asinaron o 26 de xullo de 2019 un convenio de colaboración para promover as tecnoloxías da información e a formación técnica en coñecemento libre no sector da biblioteconomía e a documentación. Imagen de Millars con licencia CC BY-SA 4.0, desde Wikimedia Commons Sobre Wikimedia España Wikimedia España é unha asociación sen ánimo de lucro, que busca a difusión do coñecemento libre, organizando actividades e impulsan proxectos para a creación e difusión de contidos libres e que promove...

Red Hat únese a RISC-V

Red Hat ven de unirse á fundación para desenvolver a arquitectura de procesadores libre RISC-V. A empresa detrás da distribución de GNU/Linux empresarial por excelencia (Red Hat Enterprise Linux) xa comezara a traballar no soporte de chips RISC-V seguindo os pasos doutras como Google, Nvidia, Qualcomm ou mesmo IBM, que acaba de mercar Red Hat hai escasos meses. Este é un paso máis por parte de Red Hat que a compromete co hardware libre, tendo no horizonte a execución de software libre en hardware libre, conseguindo así ter un sistema informático composto completamente sobre prezas libres....

Breves

  • Lanzado o Firmware Manager para actualizar o firmware facilmente

    O fabricante de computadoras System76 ven de anunciar que o xestor de firmware creado por eles está dispoñible.
    Trátase dunha aplicación gráfica libre mediante a cal se pode actualizar o firmware da computadora dunha forma sinxela e que serve para o firmware das computadoras de System76 e doutros fabricantes.

  • The Apache Software Foundation, 20 anos de desenvolvemento liderado pola comunidade

    Unha das fundacións de código aberto máis grande do mundo está de celebración (20 anos detrás dela, para ser concretos).

    Estímase que “The Apache Software Foundation” (ASF, coñecida principalmente polo servidor web Apache) proporciona máis de 20.000 millóns de dólares en software, pola cantidade de proxectos que mantén e polo total do código fonte que os conforma.

    Os seus produtos de software de código aberto póñense ao dispor do público sen custo algún e benefician a millóns de usuarios en todo o mundo.

    Entre outros, ASF impulsa proxectos como: Spark, Hadoop, Lucene, Flink, Kafka, Beam ou Cordova, cos que contribúen e dos que se benefician compañías e organizacións como Adobe, Amazon, Facebook, NASA, a Axencia Espacial Europea, Netflix,Twitter ou Uber. Os repositorios de ASF gardan máis de 190 millóns de liñas de código.

    Máis información
    Vídeo conmemorativo

  • Novidades de FFmpeg 4.2

    FFmpeg (colección de ferramentas de software libre para traballar con son e vídeo, que permite converter entre diferentes formatos multimedia e moito máis) publicou a súa versión 4.2 “Ada”.

    Novidades importantes: soporte para AV/AV1, soporte para ARIB STD-B24, soporte para HEVC, ademais de correccións e melloras no seu código fonte.

    Outras novidades serían o soporte para o compilador Clang e para kernels CUDA, analizador de GIF, codificador PCM-DVD, decodificador hymt, hcom e ARBC.

    Ademais incorpora unha chea de novos filtros multimedia.

    Máis información

  • Xa está dispoñible unha nova versión de GNU Radio

    O proxecto GNU Radio liberou unha nova versión despois de máis 6 anos dende a anterior.
    A nova versión é a 3.8 e será a última en ter soporte para Python 2, tamén conta con diversas actualizacións tecnolóxicas como a migración de Qt4 a Qt5 ou o uso do estándar C++ 11.
    GNU Radio é unha ferramenta libre para o procesado de sinais que se emprega fundamentalmente para sistemas de radio e é unha das que difunde SDR Galicia nos seus obradoiros sobre a Definición de Radio por Software.

  • Versión oficial de LibreOffice na Microsoft Store

    Despois da polémica de fai uns meses, sobre a aparición dunha versión de pago non oficial de LibreOffice na Microsoft Store, lanzouse esta vez si, a edición oficial de LibreOffice na tenda.

    Existen dous paquetes, baseados na última versión de LibreOffice de The Document Foundation, permitindo así aos usuarios de Windows 10 S poder descargar e instalar facilmente a suite ofimática (Windows 10 S soamente permite usar a tenda mencionada coma fonte de software).

    Así temos por un lado a LibreOffice Vanilla, versión oficial de The Document Foundation, dispoñible por 9,99 euros (os cartos van destinados á fundación). E por outra banda, LibreOffice powered by CIB (CIB é un dos grandes contribuíntes ao desenvolvemento de LibreOffice) véndese por 14,99 euros e inclúe soporte en liña, actualizacións automáticas e correccións de seguridade durante 18 meses como se fora un modelo de subscrición, neste caso os cartos van para a empresa CIB.

    A versión oficial de LibreOffice é gratuíta para todos os usuarios de Windows (excepto para Windows 10 S) pero existe unha versión non oficial, tamén gratuíta, desde a Microsoft Store chamada LibreOffice Unofficial.

    Máis información

  • Lanzado Red Hat Enterprise 7.7

    Red Hat Enterprise Linux 7.7 marca o final do ciclo para a serie 7.

    Novidades: novas funcións como Red Hat Insights para detectar, analizar e controlar certo rango de problemas de seguridade, así como erros na configuración.

    Soporte total para o creador de imaxes na nube de Red Hat (compatible con AWS, Azure e GCE).

    Conxunto de ferramentas para construír, executar e administrar aplicacións en contedores.

    Engádese soporte para actualizar o kernel en vivo.

    Máis información

  • LibreOffice 6.3, melloras de rendemento e compatibilidade

    A Document Foundation anunciou LibreOffice 6.3.

    Novidades: melloras de rendemento en Writer e Calc (en arquivos de texto con diferentes marcadores, con táboas e fontes incrustadas, en grandes follas de cálculo ODS/XLSX, en arquivos Calc con carga de VLOOKUP. Mellora tamén o gardado de follas de cálculo Calc como arquivos XLS).

    Versión compacta de NotebookBar dispoñible para Writer, Calc, Impress e Draw.

    Mellora a compatibilidade co formato PDF/A-2. Deseño de formularios PDF simplificado coa adición do menú Formulario en Writer.

    Pode eliminarse ou ocultarse información confidencial antes de exportar ou compartir o arquivo.

    A compatibilidade cos formatos de Microsoft Office mellorouse en varias áreas.

    Vídeo que resume as principais novidades.

  • Cambio de CEO en SUSE

    SUSE anunciou fai uns días a substitución de Nils Brauckmann por Melissa Dei Donato como nova CEO da firma alemá. O obxectivo de SUSE é seguir crecendo e expandíndose con esta incorporación.

    Melissa xa comezou a exercer as súas funcións e comentou:

    “SUSE atópase nun momento de cambio histórico, xa que o software de código aberto é agora unha parte fundamental da estratexia comercial principal de calquera empresa en crecemento. Estamos ben posicionados para ser líderes deste cambio, grazas á nosa capacidade de impulsar a transformación dixital para os nosos clientes ao seu propio ritmo con solucións de código aberto áxiles e de grao empresarial. O que é indiscutible é a nosa capacidade ilimitada para ofrecer valor á nosa comunidade, clientes, socios e accionistas, todos eles son claves no éxito de SUSE. A pesar do emocionante que foi o crecemento e a innovación de SUSE nos últimos anos, apenas estamos a empezar”

    Máis información

Séguenos en...

Casos de éxito

Darktable, revelado dixital de imaxes

Darktable, revelado dixital de imaxes

Continuando coa serie de artigos tecnolóxicos “Ferramentas multimedia: Solucións para imaxes”, toca falar de Darktable, solución libre de código aberto para revelado dixital de imaxes en formato RAW ou tamén chamado formato cru. Se buscas espremer ao máximo a potencia dunha cámara fotográfica e tes a opción nela de gardar as imaxes no formato RAW, non dubides en utilizala. Conseguirás resultados máis profesionais na edición posterior das imaxes porque dispoñemos de toda a información da toma (con moitos máis datos nas zonas de luces altas e sombras, entre outras). A única pega é que neste...
Equipos con GNU/Linux preinstalado

Equipos con GNU/Linux preinstalado

Comprar ordenadores de escritorio ou portátiles (novos ou de segunda man) cunha distribución GNU/Linux instalada é posible a día de hoxe, inda que non dispoñamos de tantas alternativas como nos gustaría ter. Vantaxes de comprar un ordenador con GNU/Linux instalado Aforro en licenzas innecesarias. Non é necesario pagar unha licenza dun sistema privativo como Windows, se non o imos utilizar no noso ordenador. Non perdes a garantía por ter que borrar a partición de Windows ou a partición de recuperación (que soe vir instalada de fábrica). Compatibilidade asegurada dos compoñentes do equipo...

Inkscape, deseños vectoriais

Continuamos coa serie de artigos tecnolóxicos “Ferramentas multimedia: Solucións para imaxes”, falamos agora de Inkscape, editor de gráficos vectoriais libre. Autoría imaxe: About 0.92 1 por artelnjeru01 CC-BY-SA Con Inkscape poderás crear e editar diagramas, liñas, gráficos, logotipos e ilustracións complexas. Características e usos da aplicación Inkscape é un editor libre de gráficos vectoriais con características profesionais e multiplataforma (dispoñible para GNU/Linux, Windows e Mac OS). Os gráficos vectoriais son imaxes que están definidas mediante figuras xeométricas descritas por...

Videos

Pin It on Pinterest