Breves

• Chega OpenSSH 8.1 solucionando unha vulnerabilidade

  Xa temos dispoñible OpenSSH 8.1 (ferramenta de conexión para o inicio de sesión remoto co protocolo SSH, cifra todo o tráfico para eliminar escoitas clandestinas, evitar secuestro de conexións e outros ataques).

  Novidades: solución da vulnerabilidade que afecta a ssh, sshd, ssh-add e ssh-keygen (clave privada co tipo XMSS que permite ao atacante iniciar un desbordamento), agregouse código que impide a recuperación da clave privada situada na RAM como resultado de ataques a canles de terceiros como Spectre, Meltdown, RowHammer e RAMBleed, adición da capacidade de utilizar PKCS8 como formato alternativo para almacenar claves privadas no disco, entre outras.

  Máis información

• Linux 5.4 chegará con Lockdown

  A versión 5.4 do kernel Linux está próxima a anunciar a súa versión estable, dentro de todas as súas novidades a máis destacada é o novo módulo de seguridade Lockdown.
  Esta característica intentouse incluír no núcleo xa no ano 2012, pero non será ata a versión 5.4 cando finalmente se inclúa e servirá para illar os procesos de usuario do espazo do kernel, impedindo así interactuar co código do núcleo, aínda que haberá que habilitar o módulo xa que por defecto estará desconectado.
  Máis información.

• Thunderbird incorporará OpenPGP

  O cliente de correo Thunderbird incorporará OpenPGP, para a xestión de claves e cifrado de correo, no seu código de forma predeterminada e non soamente como un complemento externo (a través de Enigmail) como o fai actualmente.

  A versión de Thunderbird 68.x (mantida ata outono de 2020) será a última que poida utilizarse con Enigmail.

  Thunderbird 78 ofrecerá un asistente para poder migrar os axustes e claves que utilizamos.

  Máis información

• PostgreSQL 12.0 está dispoñible

  Anunciouse a dispoñibilidade de PostgreSQL 12.0 (sistema de xestión de bases de datos relacional orientado a obxectos de código aberto e multiplataforma, publicado baixo a licenza PostgreSQL, similar á BSD ou a MIT, e unha das mellores solucións no seu ámbito).

  É usado por empresas como VMware, Fujitsu, Yandex, IBM, Amazon Web Services, Google e Rackspace.

  Novidades de PostgreSQL 12.0: melloras no rendemento (redución dun 40% de media na utilización de espazo), habilitación do compilador JIT por defecto, soporte para expresións de ruta de JSON, inclusión de soporte para a xeración de columnas, melloras na internacionalización, optimizacións nas consultas coa expresión de táboa común ‘WITH’, entre outras.

  Máis información

• Fedora abandona os 32 bits

  Unha das primeiras en abandonar esta arquitectura foi Arch Linux, e pouco tempo despois uníronse outras como Ubuntu. Fedora (outro dos sistemas operativos GNU/Linux máis populares) únese así a este movemento de abandono dos 32 bits, por falta de interese da comunidade.

  Justin Forbes, encargado de manter o kernel de Fedora dixo:
  “Non hai suficientes membros da comunidade dispostos a facer o traballo para manter a arquitectura. Con todo, non se preocupe: Fedora non descarta todos os paquetes de 32 bits. Aínda se están creando moitos paquetes i686 para garantir que cousas como multilib, wine e Steam continúen funcionando.”

  Os equipos antigos non poderán instalar versións modernas de Fedora, Ubuntu, Arch Linux, nin ningún sistema operativo popular.

  Se temos instalacións de 32 bits i686, continuaremos recibindo actualizacións de Fedora ata maio ou xuño de 2020.

  Máis información

• Premios OSM 2019

  Os Premios OpenStreetMap 2019 foron presentados na conferencia “State of the Map” que se celebrou recentemente.

  A comunidade (cun total de 522 persoas que participaron na votación) nomeou e votou por sete candidatos para cada unha das sete categorías de premios.

  Estas son as categorías, ganadores e os votos correspondentes:

  Core
  – Tigerfell: 72
  – Bryan Housel and Quincy Morgan: 173
  – Andy Allan: 180
  – Walter Nordmann (Wambacher): 142

  Innovación
  – Adrien Pavie: 215
  – Grigory Rechistov: 82
  – Raymond Inzitari: 87
  – acsd: 88

  Escritura Influínte
  – Edoardo Neerhut (eneerhut): 142
  – Christopher Beddow and Daniela Waltersdorfer: 108
  – Steve Friedl, Guillaume Rischard: 153
  – Valeriy Trubin: 119

  Grandeza en Cartografado
  – Allan Mustard (apm-wa): 169
  – Feye Andal: 153
  – literan: 117
  – Joseph Eisenberg: 90

  Expandindo a Comunidade
  – Brian Hollinshead: 100
  – Severin Menard : 126
  – Brian Prangle: 92
  – Nathalie Sidibe: 142

  Logro en Equipo
  – Data Working Group: 232
  – OSM DRC/RDC: 137
  – Kaart: 109
  – Kontur Inc: 46

  Memorial Ulf Möller
  – Simon Poole: 176
  – Minh Nguyen: 78
  – Victor Scherb: 198
  – Miriam Gonzalez: 113

  Máis información

• Novidades de LLVM 9.0

  Nova versión do proxecto LLVM 9.0, kit de ferramentas compatible con GCC.

  Deseñado para optimizar os tempos de compilación, enlazado e execución nunha gran variedade de linguaxes: Objective-C, Fortran, Ada, Haskell, bytecode de Java, Python, Ruby, ActionScript, GLSL, Clang, Rust, Gambas e outros.

  Novidades de LLVM 9.0: soporte mellorado para as plataformas MIPS, RISC-V e PowerPC, soporte de C++ para OpenCL, capacidade de dividir o programa en partes cargadas dinámicamente en LLD e a implementación da construción ”asm goto ” utilizada no código do kernel de Linux, Libc++ chega con soporte para WASI (WebAssembly System Interface), e LLD introduciu soporte inicial para a ligazón dinámica de WebAssembly, melloras nos backends para as arquitecturas X86, AArch64, ARM, SystemZ, MIPS, AMDGPU e PowerPC.

  Máis información

• Open Geospatial Consortium adopta GeoTIFF v1.1 como un dos seus estándares

  O Open Geospatial Consortium (OGC) publicou a noticia da aprobación da versión 1.1 do estándar de codificación GeoTIFF.

  GeoTIFF utilízase en todas as comunidades xeoespaciais e de ciencias da terra para compartir datos de imaxes xeográficas.

  O estándar GeoTIFF 1.1 formaliza a versión 1.0 da especificación existente de GeoTIFF integrándoa no proceso de estandarización do OGC. Ademais, a versión 1.1 aliña GeoTIFF coa adición continua de datos ao EPSG Geodetic Parameter Dataset, mantendo ao mesmo tempo a compatibilidade con GeoTIFF 1.0.

  Máis información