Breves

• Open-Source FPGA Foundation, desenvolvemento de solucións abertas

  Open-Source FPGA Foundation é unha nova asociación para o desenvolvemento conxunto de solucións abertas de hardware e software.

  Ofrece un conxunto de ferramentas gratuítas e de software libre que permiten a creación rápida de prototipos para chips FPGA e o apoio automatizado de EDA, a través da colaboración de estándares abertos.

  O obxectivo da Fundación é liberar ás empresas de FPGA do proceso de produción de chips FPGA, que require moito traballo de enxeñería, dar plena liberdade aos desenvolvedores de software á hora de personalizar as pilas de software de FPGA e proporcionar unha colaboración aberta para que os usuarios finais de FPGA poidan implementar deseños de alta calidade.

  A Open-Source FPGA Foundation reunirá a empresas, universidades e persoas que traballen ou estean interesadas no avance das capacidades das FPGA de software libre, establecerá as canles de cooperación necesarios, promoverá a divulgación e a educación, e coordinará os esforzos conxuntos para facilitar a colaboración ao redor dun ecosistema de FPGA de software libre.

  Máis información

• Akademy 2021 – Call for Participation

  Akademy celebrarase en liña do 18 ao 25 de xuño e a convocatoria de participación está aberta. Podedes enviar as vosas ideas e resumos de charlas antes do 2 de maio.

  Aínda que todos os temas das charlas son benvidos, aquí hai algúns temas de charlas especificamente relevantes para a Comunidade KDE:
  – Temas relacionados cos obxectivos actuais da Comunidade KDE.
  – KDE en acción: casos de tecnoloxía KDE na vida real.
  – Visión xeral do que está a suceder nas distintas áreas da Comunidade KDE.
  – Colaboración entre KDE e outros proxectos de Software Libre.
  – Publicación, empaquetado e distribución de software por parte de KDE.
  – Aumentar o noso alcance a través de esforzos como a accesibilidade, a promoción, a tradución e a localización.
  – Mellora da nosa gobernanza e procesos, construción da comunidade.
  – Innovacións e mellores prácticas nas bibliotecas e tecnoloxías utilizadas polo software de KDE.

  Que debe incluír o resumo ou a proposta da miña charla?
  O teu resumo debe incluír os usos da túa idea ou produto e mostrar o que os diferentes grupos de persoas obteñen del. Por exemplo, como pode beneficiarse unha empresa, un desenvolvedor ou mesmo un usuario da utilización da túa aplicación? De que maneira pode mellorar as súas experiencias?

  Máis información

• JingOS, sistema operativo para dispositivos móbiles baseado en GNU-Linux

  Foi publicada a versión 0.8 de JingOS, sistema operativo libre para tabletas e dispositivos móbiles, baseado en GNU/Linux.

  Características destacadas: pode executar aplicacións GNU/Linux e Android, está adaptado para poder funcionar con xestos táctiles, lapis, teclado e trackpad. Entorna gráfica similar á de iPadOS. Conta con aplicacións nativas de JingOS: Calendario, Temporizador, Arquivos, Reprodutor de Medios e Calculadora.

  O shell é unha adaptación de Plasma Mobile. Conta cun Centro de Notificacións, unha Bandexa do Sistema e un Administrador de Tarefas personalizados.

  A versión 1.0 de JingOS sairá en xuño, e xunto con ela, deberiamos ter tamén o primeiro dispositivo da empresa, o JingPad.

  Máis información

• Proxmox Mail Gateway 6.4, integración con Proxmox Backup

  Proxmox lanzou a nova versión da distribución Proxmox Mail Gateway 6.4., solución para crear rapidamente un sistema de control de tráfico de correo e protexer o servidor de correo interno.

  É posible xestionar todos os fluxos de correo entrantes e saíntes. Todos os rexistros de correspondencia analízanse e están dispoñibles para a súa análise a través da interface web. Destaca tamén a integración mellorada coa infraestrutura de respaldo baseada en Proxmox Backup Server, agregando a capacidade de recibir notificacións por correo electrónico sobre respaldos.

  Outras novidades: configurable desde a GUI, xestión xeral de certificados a través da GUI, xestión de corentena mellorada (a corentena de spam agora pode procesar grandes cantidades de correos á vez), melloras no rexistro de TLS no centro de seguimento, entre outras.

  Máis información

• MX Linux 19.4, actualízase a Linux 5.10 LTS

  MX Linux 19.4, nova versión desta distribución lixeira para equipos con poucos recursos.

  MX Linux 19.4 chega co kernel Linux 4.19 LTS totalmente parcheado, Mesa 18.3.6 e os escritorios Xfce 4.14, KDE Plasma 5.15 ou Fluxbox como opción lixeira. Continúa tendo o soporte de hardware avanzado (pero soamente para 64-bits).

  Outras novidades: mellora do instalador cun indicador de seguridade para os contrasinais, engade modo de liña de comandos para a utilidade de instantáneas, mellora do soporte de temas para o escritorio e aumento das traducións.

  Máis información

• A nova Deepin 20.2 xa está dispoñible

  A distribución Deepin ven de anunciar a súa nova versión 20.2 baseada en Debian 10.8, pero co escritorio homónimo e que permite usar algún software máis moderno, así como escoller entre dous núcleos de Linux, a versión estable 5.11 ou a versión de soporte máis longo 5.10. Algunhas outras novidades son melloras no rendemento e a optimización do consumo de memoria, así como algunhas utilidades como poden ser a ferramenta de reparación de sectores defectuosos no disco.

  A nova versión está dispoñible na páxina de descargas da web do proxecto.

  Máis información no anuncio oficial.

• Django 3.2 dispoñible

  Xa está dispoñible unha nova versión do framework web  escrito en Python, Django 3.2, que ademais é unha versión de soporte longo no tempo (LTS), a cal terá polo menos durante tres anos actualizacións de seguridade.

  Algunhas das novidades desta versión son melloras na automatización da configuración de aplicacións, índices funcionais ou a personalización de tipos na creación automática de claves primarias.

  Máis información sobre a nova versión na noticia da páxina do proxecto ou nas notas da versión.

• Fedora planea renomearse a Fedora Linux

  Matthew Miller deu a coñecer que tomou a iniciativa de dividir a comunidade e os nomes de distribución de Fedora. O nome de «Fedora» relacionarase unicamente para todo o proxecto e a comunidade asociada, mentres que para o caso da distribución planéase que se chame Fedora Linux.

  En palabras de Matthew Miller:
  “… o proxecto Fedora non se limita a unha distribución e tamén está a desenvolver o repositorio EPEL para RHEL/CentOS, documentación, sitios web e varias ferramentas. Por tanto, cando digo Fedora, gustaríame referirme a todo o proxecto e non a un dos produtos que se crea.”

  O cambio de nome solicitado proponse para a versión de Fedora 35.

  Máis información